සිංහල අවුරුද්ද ඇවිල්ලා.. 2022

සුභ අලුත් අවුරුද්දක් කියලා ප්‍රාර්ථනා කරන්න බෑ මිත්‍රවරුණි... 2022 සිංහල අවුරුද්ද ලැබුවට බහුතරයක් ලාංකික මිනිස්සුන්න්ට මේ වෙලාවෙ හිතේ සැනසීමක් නෑ. පුද්ගලිකව මට, කියන්න තරම් වරදක් නෑ.. අඩුපාඩුවකුත් නෑ.. ඒත් එහෙමයි කියලා අපේ මිනිස්සු පාරවල් ගානෙ පෝලිමවල රස්තියාදු වෙද්දි, දෙමාපියෝ දරුවන්ගෙ කුස පුරවන්න දුක් ගින්දර උහුලද්දි, තරුණ බාල මහලු හැම දෙනාම වැස්සෙ තෙමීගෙන, අව්වෙ වේලීගෙන අරගලයක් කරද්දි, මට විතරක් සුභ අලුත් අවුරුද්දක් සමරන්න බෑ... 

රටක් විදිහට ඉතිහාසයේ පලවෙනි වතාවට ජාති භේද, පක්ශ භේද පසෙකලා අපේ මිනිස්සු එක අරමුණකට ඇවිල්ල.. උන් හරිම ආදරණීයයි.. උන් හරිම සුන්දරයි.. උන් හරිම එකමුතුයි.. උන් හරිම සංවිධානශීලීයි, ඒ වගේම උන් හරිම තියුනුයි, නොසැලෙනසුලුයි.. 

උන් බඩගින්නේ අව්වේ වැස්සේ සටන් කරලාහරි කවදාකහරි උන්ගෙ අරමුණට යනව. අන්න ඒ අරමුණ උන් ජයගන්න දවසක අපි රටම එකතුවෙලා සැනකෙලි පවත්වලා අවුරුදු කමු..  එතකල් හැමෝටම..

තෙරුවන් සරණයි.. ජේසු පිහිටයි.. අල්ලා දෙවි පිහිටයි..