Thursday, December 29, 2016

තිස්තුන්දාහෙන් උඩ කතා 1






අම්බලන්ගොඩයා බ්ලොග් ලිවිල්ල මදකට අමතක කර දමා විවේක සුවයෙන් පසුවූයේ කාර්යබහුලත්වයට වඩා කම්මැලිකම ඉහවහා ගියාවූ නිසාය. ඊටත් එහාට හේතු පහදනවානම්  රැකියාව අවසන්වී නිවසට ආ පමණින් කෑවායින් නොකෑවායින් අන්තර්ජාලගතවන පුරුද්ද අවසානය වන්නේ නිදි කිරා වැටෙමින් තනි ඇහෙන් බ්ලොග් දිහා බලා සිටීම් සහ බුකියේ ඉහල පහල යාමෙන් වන බැවින් මදකට ශරීර කූඩුවට විවේකයක් දිය යුතුයි යයි වැටහී ගිය නිසාය. එහෙත් ඒ සියල්ලටම වඩා ප්‍රභලම හේතුව නම් පළමුව සඳහන් කල හේතුව වන ඉහවහා ගියාවූ කම්මැලිකමය. කම්මැලිකම යනු එසේමෙසේ අසනීපයක් නොවන වග පාඨක සැම වටහාගතයුතු වන්නේ එය ඉහවහා ගිය කල ගෙදරක වැඩක් පලක් තියා රැකියාවක්වත් කිරීමට හිතක් පහල නොවී සිටීමට ඉඩ තිබෙනා නිසාය. එවන් කම්මැලි කාල වකවානුවක අම්බලන්ගොඩයා කිහිප වාරයක් නැරඹු ටීවී සීරීස් එකක් හෙවත් බ්‍රේකින් බෑඩ් නැරඹීමට නැවත වතාවක් වහ වැටී ඇති හේතුව නිසාත් බ්ලොග් ලිවිල්ලට බාලගිරි දෝසය බලපෑවේය. වෙනදාට බ්ලොග් අඩවියක් ඉදිරිපිට තනි ඇහෙන් නිදි කිරා වැටෙනා අම්බලන්ගොඩයා මේ දවස්වල රූපවාහිනිය ඉදිරිපිට තනි ඇහෙන් නිදි කිරා වැටෙමින් වෝල්ටර් වයිට් සහ ජෙසී පින්ක්මන් සමගින්  ක්‍රිස්ටල් මෙත් හදනවාය. ප්‍රිස්න්  බ්‍රේක් වලටත් බ්‍රේකින් බෑඩ් වලටත් ගහන්නට ටීවී සීරීස් එකක් අනාගතයේ හැදෙවිදැයි අවිනිශ්චිත සහගතය. වැල් වටාරම් වලින්  නිසා පහල චේදයෙන් බ්ලොග් පොස්ටුවට උක්ත පොස්ටුව පටාන් ගන්නවාය. ඉක්කොන්ට මෙය ලියා පළකර බ්‍රේකන් බෑඩ්  බලන්නට යා යුතුය. එය නරඹන්නේ තුන්වෙනි වතාවට වුවත් පළමුවර නැරඹු අවස්ථාවේ තිබුනා වූ ආශ්වාදය එලෙසම තුන් වෙනි වතාවේදීත් ලැබෙනවාය.


ගුවන් ගමන් කියූ පමණින් සමහරුන්ට නම් දැනෙන්නේ ආශ්වාදජනක හැගීමක් වුවත් අම්බලන්ගොඩයාට එය එසේ දැනෙන්නේ නැතිය. එයට හේතුව නම් අම්බලන්ගොඩයා ලංකාවට එන ගමන සුද්දාගේ බාසාවෙන් කියනවානම් හොරිබ්ල් ගමනක් නිසාය. එය එසේ වන්නේ ඉන්දියන් සාගරයේ අමුතු ඇටයට පය තැබීමට අම්බලන්ගොඩයා පැය විස්සකට ආසන්න  ගුවන් ගමනක යෙදිය යුතු නිසාය. එවන් හොරිබ්ල් ගුවන් ගමනක ගොඩයා ලබනාවූ එකම එක ආශ්වාදය පැය ගණනාවක් කන පැලෙන්නට නිදිදෙව්දුව වැළඳගන්නට පුළුවන් නිසාය. එවන් ආකාරයෙන් නිදිදෙව්දුව වැලඳගැනීමේ පළමු වාසි  සහගත  හැගීම වන්නේ  ගුවන් යානය ඇතුලේ අන්තර්ජාල පහසුකම් නොමැති වීමය. දෙවන ආශ්වාදය වන්නේ පොරෝනයෙන් ඔලුව එලියට දමා ඔරෝලොසුව දිහා බලා හිත නරක්කරගැනීමට කිසිසේත්ම හේතුවක් නොමැති වීමය. තුන්වෙනි හේතුව වන්නේ කෑම බීම සියල්ලම අත ළඟටම ගෙනවිත් දෙන්නාවූ නිසාය. සුට්ටන් ප්ලාස්ටික් භාජනයක ලැබෙනා සුට්ටන් ආහාරවේලක් වුවත්, එම ආහාර වේල අම්බලන්ගොඩයාගේ කුසගින්නේ අරික්කාලක්වත් අස්වසන්නට නොහැකි මට්ටමේ එකක් වුවත්, කිසියම් හෝ වැඩක් පලක් නොමැතිව ෂපාන් එකට නිදිදෙව්දුව වැලඳගෙන සිටිනා මොහොතක අත ළඟටම කෑම වේලක් ගෙනත් දෙනවා කියන්නේ සෑහෙන්න පින් සිදුවෙන කටයුත්තක්ය. ඒ සත්කාරය වෙනුවෙන් ගුවන් සේවිකා අක්කලාට නංගිලට සෑහෙන්න පිං  සිදුවෙනවාය. එවන් ආකාරයෙන් පිං වැඩෙනා රැකියාවල් ලැබෙන්නට  සෑහෙන්න කුසල් කර තිබෙන්නට ඕනෑ ඇතිය. 

අම්බලන්ගොඩයා ලංකාවට එන ගමනේදී ගොඩ වෙනා පළමු ගුවන් යානයේ මුළු පියාසර කාලය පැය  දහහතරක්ය. එම කාලය ඇතුලත ගුවන් සේවිකා අක්කලා නංගිලා අය්යලා මල්ලිලා තුන් හතර වතාවක් අම්බලන්ගොඩයා ඇතුළු ගුවන් මගීන් සැමටම කන්නට බොන්නට දෙනවාය . හැමදාමත් වගේ ගොඩයා ගුවන් යානයට ගොඩ වන්නේ රාත්‍රී කාලයේ බැවින් ගුවන් යානය ගුවන්ගත කරනා වෙලාව වෙද්දී ගුවන් යානයම ගිල දැමීමට තරම් ගොඩයාට බඩගිනිය. එහෙත් පයිලට් ගොයියා යානය ගුවන්ගත කල වහා ගුවන් සේවිකා අක්කලා කෑම දෙන්නේ නැතිය. යානය ගුවන් ගත කලයුතු උන්නතාංශය හෙවත් නියමිත උසට ළඟාවනතුරු අක්කලා බොරු බිසියක් මවාපාමින් යානයේ එහාටත් මෙහාත් දුවනවා විනා බොන්නට වතුර කෝප්පයක්වත් මලාට දෙන්නේ නැතිය. යානය ගුවන්ගත වී පැයක් එකහමාරක් ගතවනවිට ඕන්න යාන්තමට අක්කලා කෑම කරත්තය තල්ලු කරගෙන ආසනයෙන් ආසනයට කෑම බෙදනවාය. යානය පුරා විසිර යන්නාවූ කෑම සුවඳින් ඉස්මුරුත්තාවට පත්වූ කුසගින්න කොයිතරම්ද කියනවානම් ගුවන් සේවිකා අක්කා අදාළ කෑම ජුන්ඩ සහිත ප්ලාස්ටික් ඇසිරුම, ආසනය ඉදිරියේ තිබ්නාවූ ප්ලාස්ටික් ලෑල්ල උඩින් තැබූ කල අසූ හාරදාහට මල පනින්නේ තිබෙනා කුසගින්න නිවා දමන්නටනම් එවන් ආහාර වේල් හත අටකින්වත් බැරි නිසාය. ගුවන් සේවිකා අක්කා කලින් දන්නා හඳුනන කෙනෙක් වූවානම් කෑම සුට්ට ලෑල්ල උඩින් තැබූ වහා " මෙච්චරද යකෝ " කියා අසන්නට ගොඩයා දෙපාරක් හිතන්නේ නැතිය. 

එවන් වූ කටුක ගුවන් ගමනක් යාමේදී අල්ලපු ආසනයට මෙගා සයිස් හෙවත් අපගේ හිතාදර බඩ තඩියාගේ සයිස් පත සුද්දෙකු අසුන්ගත වුවහොත් සැපසේ නිදිදෙව්දුව වැළඳ ගැනීම කෙසේ වෙතත් සම්පූර්ණ ගුවන් කාලය පුරා අතපය හතර අකුලාගෙන වකුටුවී සිටින්නට සිද්දවෙනවාය. එවන් සංකීර්ණ වටපිටාවක් යටතේ බරක් සැහැල්ලු කිරීමට වැසිකිලියට යාම  යනු සුද්දාගේ බඩ උඩින් එහාට පැනීමට ඉනිමගක් අවශ්‍යවෙන වැඩක්ය. එවන් වේලාවන්හිදී   සුද්දාටද එවන් බරක් දැනෙනාතුරු අමාරුවෙන් ඉවසාගෙන සිටීම සුද්දගේ බඩ උඩින් පැන වැසිකිලි යනවාට  බෙහෙවින් ලාභාදායකය. හේතුව නම් සුද්දාගේ බඩ උඩින් රිංගන්නට ගොස් ඉදිරිපස ආසනයටත් සුද්දාගේ බඩටත් හිර වුවහොත් සුද්දාගේ ඇඟේම බර සැහැල්ලු වන්නට ඉඩ තිබෙනා නිසාය. 

මෙතෙක් වෙලා  පඳුරු තැලුවා වූ පොස්ටුවේ උක්තය ලියවෙන්නේ දැන්ය . ඕන්න අම්බලන්ගොඩයා එක්තරා අවුරුද්දක සිරි ලංකාගමනය අහවරකොට සුද්දන් උච්චාරණය කරන ආකාරයෙන් කියනවානම් "බණ්ඩා රනා යකා " ගුවන් තොටින් ආපසු එන්නට ගුවන් යානයට ගොඩ වන්නේය. ගොඩයාගේ පළමු නැවතුම මැදපෙරදිග රටක් වන නිසා එම ගුවන් කාලය පැය පහකට ආසන්න කාලයක්ය. 

ගුවන් යානයේ වැඩිමනක් මගීන් තම අඹු දරු ඥාති වරිගයා ගමරට දමා රැකියාව බලා පිටත්ව යන උදවිය බැවින් බහුතරයක් උදවියගේ මුහුණු මැලවුණු ආප්ප වාගේය . වැඩි කතාවක් බහක් නොමැතිය. ඒ නිසාවෙන් අල්ලපු  ආසනයේ ඉන්නා මගියාගෙන් කිසිදු කරදරයක් නැත්තේය. වැඩකරන්නේ කොහේදැයි අසන්නේ නැතිය. වීසා අවුරුදු කීයකට තිබේදැයි අසන්නේ නැතිය. ඒජන්සිය මොකක්දැයි අසන්නේ නැතිය. පඩි හොඳදැයි අසන්නේ නොමැතිය. එකමඩේෂන් හොඳදැයි අසන්නේ නොමැතිය. ඊට අමතරව ගුවන් යානය ගොඩබෑ පසු විසිල් ගසමින් අත්පුඩි ගසන්නේ නොමැතිය. ඒ නොමැති සියල්ලම මැදපෙරදිග සිට ලංකාව බලා යන ගමනේදී නම් අඩුවක් පාඩුවක් නොමැතිය. ගුවන් සේවිකා අක්කාගෙන් ලැබෙනා සුට්ටන් ආහාර  සලාකය ගිලදමා එක සීරුවට පැය හතරක් නිදිදෙව්දුව  වැළඳ ගන්නට අම්බලන්ගොඩයාට ඒ නිහඬතාවය වෙස්වලාගත් ආශිර්වාදයක් වැනිය. එවන් ආකාරයෙන් ගෙවීගෙන යන ගුවන් කාලය අවසානයේ ඊළඟට තිබෙන්නේ ඊළඟ ගුවන් යානය අදාළ ගේට්ටුව ලඟට ගාල්කරනතුරු ගුවන්තොටුපොළ ඇතුලේ රස්තියාදුවක් ගැසීමය.

මේ කියනා දවසේ අම්බලන්ගොඩයාගේ රස්තියාදුව කොතරම්ද යත් ගොඩයා අදාළ ගේට්ටුව අසලට වාර්තා කරනා වෙළාව වෙද්දී යානයේ මගීන් පටවා අවසාන වෙන්නට ඔන්න මෙන්නය. බණ්ඩා රනා යකා ගුවන් තොටින් ලැබුණු, ආසන  අංකය සහිත බෝර්ඩින් පාස් පත ගුවන් සේවිකා අක්කාට පෙන්වා අම්බලන්ගොඩයා දනිපනිගා ගුවන් යානයට ගොඩ නොවෙන්නට අම්බලන්ගොඩයාට වන්නේද ලංකාවේ ජනප්‍රිය සංගීත කණ්ඩායමකට වෙච්චි දේමය. ඒ කතාව අම්බලන්ගොඩයාට කීවේ සංගීත සාදයක් නිමවා මධුවිතක් තොලගානා අවස්තාවක ජනප්‍රිය ගායක ඩෙස්මන්ඩ් ද සිල්වාය.

පොස්ටුව දිග වැඩි වුනත් ඒ කතාවද සාරාංශයක් වශයෙන් ලියන්නටම ඔනෑ නිසා කතාව කෙටියෙන් මෙසේය. ලංකාවේ ජනප්‍රිය සංගීත කණ්ඩායමක් විදේශ සංචාරයක් නිමවා ලංකාවට එන අල්ලපනල්ලේ ගොඩයාට වාගේම ට්‍රාන්සිට් එකක් සෙට් වෙලාලුය. ඊළඟ ගුවන් යානයට කාලවෙලාව බොහෝ බැවින් සංගීත කණ්ඩායම තීරු බදු රහිත වෙළඳසැල් අරා සංචාරයක් දියත් කොරලාලුය. කණ්ඩායම ෂොපින් සංචාරය නිමවා අදාළ ගේට්ටුවට පැත්තට විසිට් කරනා අවස්ථාවේ දුටු මස්කාන්ත දර්ශනයෙන් සංගීත කණ්ඩායමම පාශානභූත වූයේලුය. ඒ  මන්දයත් ඒ වෙද්දී ගුවන් යානය මගීන් පටවාගෙන ගුවන් ගතවන්නට රිවස් කරනවාලුය. දුටුවා වූ මනස්කාන්ත දර්ශනයෙන් අමන්දානන්දයට පත් සංගීත කණ්ඩායමේ ලොක්කා ගුවන්තොටුපොළ පර්යන්තයේ වීදුරුව අසලට දුවගොස් පයිලට් උන්නැහේට පොඩ්ඩක් ඉන්නයයි අත් දෙකෙන්ම සන් කරමින් වීදුරුවට තඩිබාමින් කෑගැසුවේලූය. එම  ශෝකජනක  දර්ශනයෙන් ප්‍රීතියටපත් ගුවන්තොටේ ජනීජනයා හිස්ලුලු අත දිවගොස් වහන් වූයේ අකරතැබ්බයක් වූ අයවලුන්ට මුහුණටම සිනාසී විනෝද වන්නට බැරි නිසාලුය.

නැවත වතාවක් පඳුරු තලා අවසන නැවතත් ගොඩයාගේ කතාවට අවතීරණ වෙනවාය. ගොඩයා ගුවන් යානයට ගොඩවී අදාළ ආසනයට සැපත්වෙන විට ගොඩයාගේ වින්ඩෝ සීට් එක හෙවත් ජනේලය අසල ආසනයට මෙහායින් අල්ලපු රටේ මාමි කෙනෙකුත් නැන්දී කෙනෙකුත් ලෑන්ඩ් කරලාය. මාමිගේ වයස හැටක් හැටපහක් වාගේය. නැන්දිගේ වයසද ඊට සමගාමීය. අම්බලන්ගොඩයාගේ සාගත මල්ල  ආසනය ඉහල ගමන් මලු රඳවනයේ අඩුක්කර තබා ගොඩයා බලාන ඉන්නේ ජනෙල් අසුනට පැනගැනීමට නැන්දිත් මාමිත් ඉඩහසර සලසා දෙනතුරුය.

මාමිත් නැන්දීත් ඔහේ බලාන ඉන්නම් වාලේ බලාන ඉන්නවාය. අම්බලන්ගොඩයාට අසුන්ගත වීමට අවස්තාවක් තබා අවස්තාවක් ලබාදෙන සෙයියාවකුදු නොමැත්තේය. ගුවන් සේවිකා අක්කලාද අම්බලන්ගොඩයා පෙරලාගෙන එහාටත් මෙහාටත් දුවනවාය. තව ජුන්ඩකින් යානය ගුවන්ගතවන වග දන්නා නිසා මාමි හෝ නැන්දී ඉඩදෙනතුරු බලා සිටින්නද නොහැකිය. තවත් විනාඩි කිහිපයක් එසේ කාලය මැරුවහොත් කලබලයෙන් එහා මෙහා දුවන ගුවන් සේවිකා අක්කා කෙනෙකු ගොඩයාව අදාළ ජනෙල් අසුනට තල්ලුකර දමා බඩ මැද්දෙන් ආසන පටිය පළඳනු අනිවාය. කරුණු එසේ වනබැවින් නැන්දාගේ සාරියද මාමිගේ වේට්ටියද පොඩි පට්ටම් කරගෙන ජනෙල් අසුනට ස්ථානගත වන්නට අම්බලන්ගොඩයා තීරණය කරන්නේ වෙන කරන්නට විකල්පයක් නොමැති නිසාය.

නන්දාගේ සාරියට වැඩි හානියක් නොමැති වුනත් මාමිගේ වේට්ටියනම් සෑහෙන දුරකට එහා මෙහා වී ඇතිවග දකිනා විට මාමිගේ වේට්ටියෙන් තුන්කාලක් අම්බලන්ගොඩයාගේ  ආසනයට ඇවිත් අවසානය. මාමි වේට්ටියේ දෙකොන දෑත බදා අල්ලාගෙන ගොඩයා දිහා කන්න වාගේ බලාගෙන විලි වසාගන්නට සෑහෙන ගේමක් දෙනවාය. නිකම් හරියට උයල කනවාද බැදලා කනවාද කියා තීරණය කරන්නට වාගෙය. හයේ හතරේ පොරක්වූ මාමිගේ මුනත්තහඩුව අබ ජුන්ඩක් දැමුවහොත් පුපුරන තරම්ය. අම්බලන්ගොඩයා  ආසනයෙන් මදක් එසවුණු සැනින් මාමි තම වේට්ටිය හනික ඇදගෙන තම විලිසංගය වසාගෙන ගොඩයා දිහා ඔරොවාගෙන බලා සිටිනවාය.  නන්දා ගොඩයා දිහා කන්නට වාගේ ඔරෝවාගෙන බලා සිටින්නේ ගොඩයා බලෙන් උන්දෑගේ මනුස්සයාගේ වේට්ටිය ගලොවගත්තා වාගේය. නැන්දා ගස්සා අහක බලාගත්තේ හරියට කුච් කුච් හොතාහේ චිත්තරපටියේ කාජොල් කෙලී සාරුක් කොලුවාට බොරුවට ගස්සනවා වාගේය. මදක් ආසනයෙන් එහා මෙහා වී ඉඩහසර සලසා දුන්නේනම් මාමිගේ වේට්ටිය එහා මෙහා වී අම්බලන්ගොඩයාගේ හිරිඔතප් බිඳෙන්නේ නොමැතිය.

(මේ ලියන්නට පටන්ගත් පොස්ටුව අම්බලන්ගොඩයා විසින් මිතුරෙකුට ලියනවාමයි යයි පොරොන්දු වුනේ මීට දින කිහිපයකට උඩදීය. එහෙත් කම්මැලිකමට පිංසිදුවන්නට ලියන්නට භාවිතා කරනා ටැබ්ලටයේ බැටරිය කලුරිය කරලා වග ගොඩයා දැනගන්නේ පොස්ටුව ලියන්නට පටාන් ගැනීමට හරිබරි ගැසී වාඩිවූ පසුය. කලුරිය කරනලද බැටරියට නැවත පණදීමට දින කිහිපයක් උත්සහකලද චාර්ජරය ගැලවූ සැනින් ටැබ්ලටය නොකියාම දිරාමාරු වෙනවාය. කරුණු එසේ වුවත්  දින තුනක් තිස්සේ දැඩි ලෙස අපහසු කාලගුණික තත්ත්වයන් යටතේ ලියාගෙන පැමිණි පොස්ටුව මෙසේ පළකරන්නට යෙදෙන්නේ වෙට්ටි මාමිගේ රසබර විස්තර ඊළඟ කොටසින් ලියනා අභිලාශයෙන්ය. මෙම පොස්ටුව අවසානය දක්වා ලියවීමට කාලය ගතහොත් ජනේරුවට කලින් මෙය පලකරන්නට වන්නේ නැතිය. එතෙක් අම්බලන්ගොඩ කතා කියවනා පාඨක සැමට ලබනා වූ නව වසර කිරියෙන් පැණියෙන් ඉතිරෙනා නව වසරක් වේවා යයි ප්‍රාර්ථනා කරනවාය. ලබනාවූ නව වසරේ සියලු පැතුම් ඉටුවන නව වසරක් වන්නට යයි ප්‍රාර්ථනා කරනවාය. ඊට අමතරව සෑම සියලුදෙනාටම දීර්ගායු ප්‍රාර්ථනා කරනවාය. වෙලාව් අලුයම දෙක පසුවී විනාඩි තිහකුත් වී ඇති බැවින් අම්බලන්ගොඩයා නිදාගන්නට යනවාය. බ්ලොග් පොස්ටුව ලියන්නට කාලය ගත් නිසා වෝල්ටර් වයිට් සහ ජෙසී පින්ක්මන් තරහවෙලා ඇතිදැයි සැක සහිතය. දින තුනකින් අනතුරුව හෝ පොරොන්දුවෙන් භාගයක් ඉටුකරන්නට හැකිවීම වෝල්ටර් වයිට් හා ජෙසී පින්ක්මන් තරහවෙනවාටත් වඩා සෑහෙන්න වටිනවාය.)


දෙවන කොටස 
http://ambalangodakatha.blogspot.com/2017/01/2.html



Thursday, December 8, 2016

වාදී ස්වර සංද්වනි 5







පාසලේදි මා දිහා 
නෙත් කොනින් බලා
ඒ කියූ රහස් කතා 
නෑ සැබෑ වුනේ

ගී පොතේහි මා ලියූ 
සෝක ගීතයේ
උල්පතයි ඔබේ නෙතින් 
හෙලූ බැලුම් ප්‍රියේ

සුළගේ පාවී 
ඈ වෙත යාවී 
මා සිතූ සිතුම්
සිහින විමානෙන් ගෙනා

මා පැතූ පැතුම්

පලවෙනි කොටස 

හතරවෙනි කොටස 


වේදිකාව ඉදිරියේ අසුන්ගෙන සිටි සියල්ලෝම වසඟයට ගනිමින් විසල් විසින් ගායනා කල ගීතය අනන්‍යා රසවින්දේ ඉතාමත් උද්යෝගයෙන්. මීට පෙර  සියදහස් වාරයක් අසා ඇතිමුත් විසල්ගේ කන්කළු හඬ එම ගීතයන් වෙත ලබාදෙන ආනන්දනීය ස්භාවය අනන්‍යා රසවින්දේ මුළු හදවතින්ම. මින් පෙර කිසිදු දිනෙක නොවිඳි අපූර්වත්වයක් අනන්‍යා විසින් වින්දනය කලත් එය වචනයට පෙරලා එය මේ ආකාර ස්භාවයක් යන්නට අරුත් දැක්වීමට  තරම් වැටහීමක් අනන්‍යා වෙත තිබුනේ නැහැ. එහෙත් උපන්දා පටන් එතෙක් මෙතෙක් වින්දාවූ ආන්දජනක හැගීම් අතර මෙය ඉහලම  ස්ථානයක තිබෙනා වග පමණක් අනන්‍යා දැන සිටියා. අහඹුවක් ලෙස සිදුවූ විසල්ගේ හමුවීමත්  ඊට සමගාමීව අනන්‍යාගේ හිත විසල් වෙතම ඇදීයාමට පැහැදිලිවූ හේතුවක් සොයන්නට අනන්‍යා තම හිත වෙහෙසවුයේ ද නැහැ. වෙහෙසවා සිතා ලිහාගන්නට තරම් සංකීර්ණ වූ ස්භාවයක් නොමැති වුවත් විසල් වෙතම ඇදී යන තම චිත්ත සන්තානය කුමන අරමුණක් කරා ඇදී  යන්නේද යන්න ගැන වැටහීමක්ද අනන්‍යා වෙත තිබුනේද නැහැ. 

ඒයි ....මේ .... උඹ ආවෙ  මා එක්ක....

ඉතින්...

ඉතින්  කියන්නෙ උඹට දැන් මාවත් අමතක ගානයිනේ බං ...

වදනොදී හිටපං මාධවී...

අප්පදබොල... මේකි ගිය උඩ .... යකෝ මමයි බොරු කප්පරක් කියල උඹව මෙතනට අරං ආවේ... දැන් උඹ මට කියනව වද නොදී හිටපං කියල... අනේ දෙයියනේ ඇයි මටම මෙහෙම වෙන්නේ..

සොරි සොරි ඩාර්ලින්.... උඹ මගේ හොඳම හොඳ යාළුවා නං මට මේ සිංදු ටික පාඩුවේ අහගන්න දෙන්න ඕන..

ඒකත් එහෙමද.. හා හා එහෙනං සිංදු අහගෙන හිටහන්කෝ... උඹේ මේ වැඩ නිසා අදත් අර අහිංසකය ඇන්තනිගෙන් කන්නයි සෙට් වෙන්නේ...මට ඒ ගැනනම් දුකයි...

ඒ මොකෝ මාධවී....

මොඩියේ ... මේක ඩිනර් ඩාන්ස් පාර්ටි එකක්... අරූ උඹ නිසා බූට් සිංදු කියල දැන් ඇන්තනිගේ මල අසූ හාරදාහට පැනල ඇත්තේ...

ඇත්තටම විසල්ට ලෙඩක් වැටෙයිද මාධවී...

හ්ම්  ..හ්ම්.... බොහෝදුරට...

එහෙනම් අපි විසල්ට කියමු සිංදු  කියන්න එපා කියල...

අනේ මටනම් බෑ සුදෝ... උඹ පුලුවන්නම් කියපන්...

අපි චිට් එකක් යවමු...

ඕන නෑ ඕන නෑ  දැන් මෙයාල නවත්තයි ඩිනර් එකට.. එතකොට කියපන්...

මොකක්ද...

උඹටනම් ඔලුව හොඳ නෑ අනන්‍යා... කෙලින්ම ගිහිං කියපන් අයි ලව් යූ කියල...

උම්බටනම් පිස්සු මාධවී... මෙතන එහෙම එකක් නෑ 

ඔව් ඔව් මට පිස්සු... එතකොට පිස්සුවෙන් වගේ මේ අහිංසකය පස්සේ වැටීගෙන නහින්නේ අරං හදාගන්න වෙන්නැති නේ...

පුලුවනිනම් අරං හදාගන්නවා තමා ඉතින්...

ඇත්තම කියන්නම් අනන්‍යා... අර රජීව් කාරයා එක්ක ගිහින් කාලකන්නි වෙන්නේ නැතුව ටිකක් හිතල බලහන් ...

බලන්න දෙයක් නෑ මාධවී... හිතිලයි තියෙන්නේ...

අප්පට සිරි... සෙල්ලං නෑ ගිහින් තියන දුර...

ඒක නෙවී බං ... උඹට බැරිද......මේ.... මේ......

අපෝ අපෝ මේ මටනං බෑ ලැජ්ජ නැති වැඩ කරන්න... මම මෙච්චර මහන්සි වෙලා මීට් කරල දුන්න... ඉතුරු ටික උඹේ  අතේ...


***********************


ආ විසල් මස්සිනා.... අද මයික් එක  දෙන්නෙම නෑ  වගේ....

න් .....නෑ ....බං  ඉවෝන් එහෙම එකක් නෑ ....

අඩෝ මේ... උඹ අපිට සුදු ළූණු පොඩි කරන්න එපා මචන්... අර තුන්වෙනි ටේබල් එකේ දිලිසි දිලිසි වාඩි වෙලා උඹ දිහා කන්න වගේ බලන් ඉන්නෙ අපි සති කීපයකට කලින් ගහපු බර්ත්ඩේ පාර්ටියේ බර්ත්ඩේ ගර්ල් නේද...

මොන...

ඔන්න ඔන්න විසල් පුතා අපිව කඩේ යවන්න හදනවා... 

අනේ මේ විකාර නැතුව වරෙන් කන්න... ඇන්තනිය දකින්න කලින් කන දෙයක් බඩට දාගනින්.... නැත්තං ඉතින් අන්තිමේ  කන්න වෙන්නේ දත්මිටි තමා...

 හරි හරි මල්ලි.... හැංගි හැංගි වෙස් බැන්දට නටන්නේ එලියෙනේ මචෝ..... ඔහොම යං ඔහොම යං ...

මචං  ඉවෝන්.. අපි උඹල වගේ හැංගිලා වෙස් බඳින එවුන් නෙවෙයි බන්. උඹ තමා ඇන්තනිය එක්ක හැංගිලා වෙස් බඳින්නේ... 

ඔන්න ඔන්න ඉතින් උඹ රෝං යනවනේ විසල්... 

හරි හරි දැන් උඹල දෙන්නගෙම කතා ඇති... දෙන්නම කනවනම් කාපල්ලා ඇන්තනිය ටේබල් එකෙන් නැගිටින්න කලිං 
...

කොහේද බන් සහන් උඹ අතුරුදහන් උනේ....

මගේ යාළුවො දෙන්නෙක් ඇවිත් ඉන්නවා බන්.. ටිකක් උන් එක්ක කතා කරා... ආන් උඹව සොයනවා....

කව්ද....

මම කිව්වේ... මම කිව්වේ.... 

මේ ඉවෝන්... අනුන්ගේ සීනි කිරන්නේ නැතුව වැඩක් බලාගනිං බං ... 

හරි හරි... ඔන්න මම ගියා... උඹලට මාවනේ දැන් ඇනේ ...

කව්ද බන් සහන් හොයනව කිව්වේ...

වෙන් කව්රුවත් නෙවෙයි ඌරො .... අන්න උඹේ සුදු නංගි උඹව හොයනව ...

බොරු...

මේ විසලෝ...මාව චීන කරන්නෙ නැතුව මගෙන් කුණුහරුප නොහා පලයන් ලොබි එකට...

මේ දැන්...

නැතුව ඉතින්.. 

උඹත් වරෙන්කො....

හනිමුන් යනකොටත් එක්ක යනවනං එන්නං ...

ආස ඇති නේ... ගිහිං කාපං ... මම විනාඩියෙන් එන්නං ....


විසල් ලොබිය වෙත පියමැන්නේ  මදක් චකිතයෙන්. මින් පෙර කිසිදු දිනෙක නොවූ තරම් කලබලයක් තම සිත තුල පවතින වග තේරුම් ගන්නට විසල්ට වැඩිමනක් අපහසු වුනේ නැහැ. එහෙත් එම කලබල සහිත සිතුවිලි එහාටත් මෙහාටත් පොරබදිමින් සිදුවෙන්නට යන්නාවූ ආශ්චර්යමත් මොහොතට මුහුණ දීමට නව බලාපොරොත්තු එකලස් කරන වග විසල්ට දැනුන. අනන්‍යාගේ හමුවීමත් එම දෑස තුල තිබෙන්නාවූ හුරු පුරුදු ස්භාවයත් විසල් තුල ඇතිකළේ මින් පෙර නොවිඳි ආශ්වාදයක්. ප්‍රසංගය ආරම්භ කල මොහොතේ පටන් ගණන් කල නොහැකි වාර ගණනක් එකට හමුවූ එම දෑස තුල තිබෙන්නාවූ සංසාරගත බැඳීම  සොයන්නට විසල් ගත් වෙහෙස අප්‍රමානයි. සැබෑවටම හමුවී වචනයෙන් දෙඩූ වාර ගණන අතෙහි ඇඟිලි ප්‍රමාණයට අඩු වුවත් වසර ගණනාවක් ඈ හා ඇසුරුකළ ස්භාවයක් විසල්ගේ හිත පුරා ලැගුම්ගෙන තිබුනේ අහම්බෙන් වගේ. අනන්‍යා තමුන් වෙත  දක්වන්නාවූ කරුණාව සත්‍ය ලෙසම ආදරයක්ද එසේත් නැතිනම් අනුකම්පාවක්ද යන්න වෙන්කොට හඳුනාගන්නට කිසිදු නිර්නායකයක් විසල් වෙත තිබුනේ නැහැ. එය  කුමනාකාර හැඟීමක් වුවත් එම හැඟීම වරදවා වටහාගත නොයුතු බව පමණක් විසල් දැන උන්නා. වාදකයකු වශයෙන් ගතකරන තාරුණ්‍යයේ එතෙක් මෙතෙක් නොවිඳි තරම් වචනයෙන් විස්තර කල නොහැකි වූ මනෝරම්‍යමය ස්භාවයක් තමාගේ සිත තුල පවතින වග විසල්ට දැනුනාවූ නමුත් එම මනෝරම්‍ය ස්භාවය ආශ්වාදයක් ලෙස දෝතබදා විඳින්නට විසල් මදක් අකමැතිවුනේ අනන්‍යාට ලංවීමට තමුන්ට  කිසිදු පූර්ව සුදුසුකමක් නොමැති  වග දැන උන්නාවූ නිසා.  

ෂ් .....ෂ් .....

ඇසුනාවූ හඬින් වටපිට බලූ විසල් දැක්කෙ ලොබිය කෙලවරේ තිබෙනා මද අඳුරක් සහිත තැනක අසුන්ගෙන ඉන්නා අනන්‍යා සහ මාධවී...

ආ මේ අපේ අග්‍රගන්‍ය ගායක විසල් අයියනේ...  මොනාද දන්නෙ නෑ හෙව්වේ...

ආ මේ මාධවී මඩම්ලනේ ... මම මේ නිකමට වගේ එලියට යනගමන්... කව්දෝ ශූ...ශූ... ගාල පිඹින සද්දෙට බැලුවේ නයෙක්වත්ද කියල...

අනේ මගෙන් මුකුත් නාහ හිටපං විසල්.. හිමිජ්ජ වගේ හිටියට කට නං පොඩි නෑ ...

සොරි මාධවී මඩම්... 

හා හා මැඩම් කෑල්ල පැත්තකින් තියල මෙන්න මෙහෙන් වාඩි වෙමු එහෙනං ...මම රවුමක් කැරකිලා එනකං සුදු නංගිව බලාගනිං විසල්...

හා එහෙනං ... මාධවී මැඩම් ගිහින් එන්නකෝ...

ඉබ්බා වතුරට දානකොටත් මොකක්දෝ කිව්වලුනේ...

මාධවී  එතැනින් නික්ම ගිය වහා ඇතිවූ නිහඬතාවය බින්දේ අනන්‍යා විසින්...


සුදු අයියෙ ... අද කියපු සිංදු ටික හරී.......ම  ලස්සනයි...

අනේ යන්න යන්න.. මාව මුරුංග ඇත්තේ තියනවා නේද..

මෙන්න වැඩක්... ඇත්ත කිව්වාම හිතෙන්නේ මුරුංග ඇත්තෙ තියනවා කියල.

ඒක මගේ රස්සාවනේ සුදු නංගි ... අපි ඉතින් දුප්ප්පත් කොල්ලොනේ...

අනේ  ඉතින් ඇයි  එහෙම කියන්නේ...

ඉතිං මම බොරුවක් කිව්වේ නැහැනේ සුදු නංගි ... පිටකොටුවෙ බස් කෝච්චි වල සිංදු කියන අයයි අපියි අතර තියෙන්නේ බොහොම සුළු වෙනස්කම් සුදු නංගි ..

ඒ කිව්වෙ ..

අපි දෙගොල්ලොම කරන්නේ ජීවත් වෙන්න සින්දු කියන එකනේ.. ඉතින් වෙනසකට තියෙන්නේ තැන විතරයිනේ.. හෙහ්..

අනේ මට ඔය මහප්‍රාණ තේරෙන්නේ නෑ සුදු අයියේ.. ඉතින් වෙන මොනාහරි කියන්නකෝ..

මොනවගේ දෙයක්ද..

මොනාහරි දෙයක්.. මටත් තේරෙන ඔයාටත් තේරෙන අපි දෙන්නටම තේරෙන දෙයක්..

ම්ම්ම්ම්ම්ම්....අපි දෙන්නටම තේරෙන දෙයක්.... එකනම් සෑහෙන්න සංකීර්ණ ප්‍රශ්නයක්..

මේ සුදු අයියේ.. මම ප්‍රශ්නයක් අහන්න ඇත්තටම ඇත්තටම ඇත්ත....ටම උත්තර දෙනවද..

ඒ මොකක්ද අප්පේ..

පොඩි ප්‍රශ්නයක්.. හැබැයි බොරු උත්තරනම් දෙන්න බැහැ  ඔන්න..

හරි ඉතින්.. අහන්නකො බලන්න ප්‍රශ්නේ..

සුදු අයියේ.. ඔයාට....ඔයාට....

ඉතින් අහන්නකො.. 

එක්කෝ ඕන නෑ ..

කියන්න අනන්‍යා .. මොකක්ද කියන්නකෝ ප්‍රශ්නේ..

මං ආස නෑ සුදු අයිය මට නම කියල කතා කරනවට..

අනේ සොරි ඉතින්..මම ආයේම කතා කරනකොට සුදු නංගි  කියලම කතා කරන්නම්කො.. හරි.. දැන් අහන්නකො ප්‍රශ්නේ මොකක්ද කියලා..

හරි.. මෙන්න මේකයි ප්‍රශ්නේ... සුදු අයියට ගර්ල් ෆ්‍රෙන්ඩ් කෙනෙක් ඉන්නවද..

අයියෝ... ඕකද මේ තරම් අමාරුවෙන් අහපු ප්‍රශ්නේ..

හරි ඉතින් දැන් ප්‍රශ්නේ ඇහුවනේ... දැන් දෙනවා බලන්න උත්තර...

ම්ම්ම්ම්ම්ම්..... ඇත්තම කියනවනම් ඔව්...

විසල්ගේ උත්තරයෙන් අනන්‍යා මදක් කලබලවූ ස්භාවය විසල්ට දැනුනා වුනත් විසල් ඒ බවක් අනන්යාට පෙන්වුයේ නැහැ.. එතෙක් වෙලා සන්තෝසයෙන් පැවතියා වූ අනන්යාගේ සිනහ මුහුණ මදක් අඳුරු ස්භාවයට පත්වූවා වුවත් අනන්‍යා එය සඟවන්නට යම් තරමක උත්සාහයක් ගත්ත..

ඉතින් කව්ද සුදු අයියේ ඒ වාසනාවන්ති..

ම්ම්ම්ම්ම්ම්ම්... ඒක නම් කියන්න බැහැ සුදු නංගි ... මොකද මම පොරොන්දු වුනේ එක ප්‍රශ්නෙකට උත්තර දෙන්න විතරයි...

අනේ කියන්නකෝ...

ඒ කව්ද කියලනම් කියන්න විදිහක් නැහැ සුදු නංගි ... ඒත්  ඉන්න තැනනම්  කියන්නං ...

කව්ද කියල කියන්නේ නැතුව ඉන්න තැන මොකටද සුදු අයියෙ ...

දැන් කව්ද කියල කිව්වේ නැති උනොත් සුදු නංගි මා එක්ක තරහ වෙනවද...

තරහ වෙන්න අපි යාළුවෙලා හිටියේ නැහැනේ සුදු අයියේ...

අප්පේ සුදු නංගිට තරහ ගියාම ලස්සන..

සංගීත කාරයින්ට යන යන තැන කෙල්ලො කියල මට අමතකවුනානේ..

සංගීත කාරයෝ ගැන එහෙම හිතන එක වැරදියි සුදු නංගි .. ස්ටේජ් එක උඩ ඉද්දි ගෑනු ළමයි තරඟෙට ඇහැ  දැම්මට ස්ටේජ් එකෙන් බැස්සම එකෙක් බලන්නේ නැහැ අපි දිහා...හෙහ්..

අනේ යන්න යන්න බොරු නොකිය.. හරි කියන්නකෝ ඉතින් කව්ද කියල ඒ ගෑනු ළමය..

සුදු නංගි මම ඇත්තම කිව්වොත් පිළිගන්නවද..

මම කිව්වනේ.. සංගීත කාරයො සීයට සීයක් විස්වාස කරන්න බැහැ .. ඒ උනත් කියන්නකෝ.. පිළිගන්න පුලුවනිනම් පිළිගන්නම්...

ඔයා අහපු ප්‍රශ්නෙට ප්‍රායෝගිකව උත්තර දෙනවනම් මේ මිහිපිට එහෙම කෙනෙක් නෑ සුදු නංගි .. ඒත්  කෙනෙක් ඉන්නව.. එයා ඉන්නේ මගේ හිතේ..

දැන් ඉතින් එයා දන්නවද මෙයාගේ හිතේ එයා ඉන්න බව..

සමහරවිට දන්නවා ඇති.. සමහරවිට නැතුව ඇති..හෙහ්..

ඉතින් එයාට කියන්නකෝ හිතේ තියන් ඉන්නේ නැතුව..

සමහර දේවල් හිතේම තියන් ඉන්න එක හොඳයි වචනවලට පෙරලන්වට වඩා..ඒ නිසා කියනවට වඩා හිතේ තියන් ඉන්න එක හොඳයි සුදු නංගි ..

ඇයි  ඒ..

හැබෑවක් කරන්න බැරි දේවල් වචන වලට පෙරලලා නාස්ති කරලා දාන එක අපරාදයක් සුදු නංගි .. ඉතින් ඒක  ඒ නිසා හිතේම තියෙද්දෙන්..

ඇයි ඉතින් සුදු අයිය හිතන්නේ හැබෑවක් කරන්න බැහැ කියල..

සමහර හීන මේ මහපොළොව උඩ හැබෑ කරන්න බැහැ  සුදු නංගි .. ඒ හීන ඒ තියන විදිහටම ඒ තියන තැන්වලම තිබ්බම හැමදාමත් ඒ හීනේ හිතේ තියන් ඉන්න පුළුවනි සුදූ නංගි .. ඒව වචන වලට පෙරලලා අන්තිමේ ඒ හීන හැබෑ කරන්න බැහැ කියල දැනෙන දැනීමට වඩා හොඳයි හීන හීන විදිහටම තියෙන්න දෙන එක..

අනේ මන්ද..

ඔයාල වගේ සුරංගනාවියන්ට මේ මහප්‍රාණ තේරෙන්නේ නැහැ සුදු නංගි ..

ඒයි විසල්... අන්න අරූ පන දාගෙන උඹව හොයනවා ඊළඟ සෙෂන් එක පටන් ගන්න.. වරෙන් යන්න ඉක්මනට ..

මම එහෙනං ගිහින් එන්නද සුදු නංගි ..

හා සුදු අයියේ.. 

සුදු නංගිලා පාර්ටි එක ඉවර වෙනකම් ඉන්නවද..

නැහැ සුදු අයියේ.. අපි දැන් යනව..

එහෙනම් පරෙස්සමට ඩ්‍රයිව් කරන්නකෝ..

සුදු අයියේ..

ඇයි ..

අපි ආයේ හම්බෙන්නේ නැද්ද..

අපි ආයේ හම්බෙන්න ඕනෙද සුදු නංගි ..

අයියට හිතෙන්නේ ඔව් කියලද නෑ කියලද..

ඒයි විසල්.. වරෙන්කො.. ඇන්තනිය අරෙහෙ යකා නටනවා..

මම ගිහින් එන්නම් සුදු නංගි ..

මට ඔයා හම්බෙලා කතා කරන්න ඕන කියල මං කොහොමද සුදු නංගි කියන්නේ.. හැබෑවක් කරන්න බැරි හීන මහපොළොවට ගෙන්න බැහැ සුදු නංගි .. ඒ හීන, හීන විදිහටම තියෙනවට මම කැමතියි.. විසල් වේදිකාව දිහාවට ඇවිදගෙන යන ගමන් එහෙම හිතුව..








******

ඈත් බව දැනීලා ඔබේ හා මගේ

දුරක්‌ ආ නිසා දැන් දුකක්‌ මේ වගේ 

මහා සාගරේ සේ තිබුණත් හිතේ

කුමට හිමි වුණාදෝ අහිමි ආදරේ

*******



Sunday, November 27, 2016

වාදී ස්වර සංද්වනි 4

පලවෙනි කොටස 

තුන්වෙනි කොටස 

කුළුඳුලේ මෝදුවූ ආගන්තුකාකාර සිතුවිල්ලකින් ඔද්දල්වූ හිත විසල් වෙත දැඩි බලපෑමක් එල්ලකරමින් සිටියා. එහෙත් එය පිටස්තර ලෝකයට නොපෙන්වා සිටින්නට විසල් ගත්  උත්සාහය අතිමහත්. සෙවනැල්ල සේ සිටිනා ගජයා වෙත එය සම්පූර්ණයෙන් සඟවා තැබීමට විසල් විසින් දරනා උත්සාහය එක දිගටම අසාර්ථක වන වග විසල් නොදැන උන්නා නොවේ. දෘෂ්ඨි ප්‍රයෝගයක් සේ එක්වරම දෙනෙත ඉදිරියේ ප්‍රාදුර්භූත වූ මායාවක්වන් සුරංගනාවියක් විසල්ගේ චිත්ත සන්තානය තනි අයිතියට සින්නක්කරවම අයිතිකරගෙන සිටිනා වග විසල්ට සක්සුදක් සේ පැහැදිලි වුවත්, එම සිතුවිල්ල ඔස්සේ පා තැබීම මිරිඟුවක් පසුපස හඹා යාමක් වග විසල්ගේ බුද්ධියට මනාසේ වැටහුනා. එහෙත් බුද්ධියේ බැමි වලින් තදකර බැඳ දමා තිබෙනා අකීකරු හිත බුද්ධියේ බැමි බිඳ දමමින් අනන්‍යා පසුපසම පිය නගන්නට දරනා උත්සාහය විසල් වෙත ගෙන ආවේ සොඳුරු ආශ්වාදයක්. සිතුවිලි කොතරම් සොඳුරු වුවත්  එම ආශ්වාදය දෝතින් ගෙන විඳින්නට විසල්ට කිසිදු පූර්ව සුදුසුකමක් නොමතිවග විසල් ඉතා හොඳින් දැන උන්නා. බුද්ධියත්, ඊට සමගාමී හැඟීම් සමුදායත් විසල්ගේ හිත ඇතුලේ කරනා වූ ද්වන්ද සටනෙන් ලබනා ජය බුද්ධියට ලබාදීමට විසල්ගේ උඩු සිත කැමති වුවත් තමුන්ගේ යටි සිත හැඟීම් ජයග්‍රහණය කරවීමෙහි ලා මහත් වෙහෙසක් දරනා වග විසල්ට නොදැනුනා නොවේ.

ප්‍රාණ හා සමාන මිතුරාගේ ක්‍ෂණික  වෙනස්වීමට එකම සහ අවසන් හේතුව අනන්‍යා බව තමුන් වෙත සැඟවීමට විසල් සුවිශාල උත්සාහයක් දරනා වග දැනුනත් ඒ ඔස්සේ හඹා ගොස් තම මිතුරාව අපහසුතාවයට පත් කිරීමට සහන්  උත්සහ කලේ නැහැ. වසර ගණනාවක් එකම බත් පත බෙදාගෙන අනුභව කරනා මිතුරා මොනයම් හෝ හේතුවක් මත තම හිත සැඟවීමට උත්සහ දරනා වග පමණක් සහන්ට දැනුනා. වැඩුණු පුද්ගලයින් වශයෙන් අනෙකාගේ සිතුවිලි වලට ඇඟිලි ගැසීමේ සීමාව හොඳින් හඳුනන්නෙකු වූ සහන් එක්තරා සීමාවකින් ඔබ්බට පය නොතබන්නට සහන් උත්සහ කලේ, එය සදාචාරාත්මක නොවනා කටයුත්තක් වනවාටත් වඩා තම මිත්‍රයාට සිතුවිලි සටන ජය ගැනීම තනිවමම කරගෙන යාමට ඉඩ ලබාදියයුතු නිසා. අනෙකාගේ පුද්ගලිකත්වයට ඇඟිලි ගැසීමේ සීමාවෙන් ඔබ්බට ගියා වූ වර්ගයේ මිතුරන් දෙදෙනෙකු වශයෙන් සහන්ට සෘජුවම විසල්ව  ප්‍රශ්න කරන්නට හැකියාව තිබුනත් සහන්  එසේ නොකළේ වසර ගණනාවක මිත්‍රත්වය ඇතුලත විසල් මෙවන් අවස්ථාවකට මුහුණ දෙන පළමු අවස්තාව මෙය වන නිසා. 

දැන් ඇති විසල් මස්සිනා මනෝ ගැහුව .. ලැස්ති වෙයන් යන්න..

මොන මනෝද බන්..මම මේ කල්පනා කරේ.....

හා කියපන් බලන්න කල්පනා කරේ මොනා ගැනද කියල..

න් ..න් ..නෑ මේ... මේ....

ඔය ඉතින්.. මොකෝ උඹ ගොත ගහන්නේ.. 

න් ..නෑ  නෑ  බන්...

හරි හරි ඉතින් මට උත්තර දෙන්න උඹ බැඳිල නැහැනේ විසලෝ... ගිහින් ලැස්ති වෙයන් ..

කොහේ යන්නද බන්..උඹ මේ කොහේ යන්නද ගජරාමෙට ඇඳගෙන ...

අනේද කියන්නේ.. ඒ කියනේ බොට දැන් උන්හිටිතැන්  අමතක වෙලා එහෙනං ..

කියහන්කෝ... කොහේ යන්නද බං ...

එතකොට උඹ දන්නේ නෑ  අද යන්න තියෙන්නේ කොහෙද කියල..

ම් ............................නෑ .....................

ඒ කියන්නේ ලෙඩේ උත්සන්නයි...

අනේ මේ පිස්සු කරන්නෙ නැතුව කියහන් කොහෙද යන්න තියෙන්නේ කියල..

එතකොට සුදෝ බොට මතකද උඹයි මමයි ඇන්තනි ඇන්ඩ් ද ක්ලැන් කියල බෑන්ඩ් එකක ප්ලේ කරන බව..

මාව වටේ යවන්නේ නැතුව කියහන්කෝ මචං .. කොහේ යන්නද උඹ මේ ලෑස්ති වෙන්න කියන්නෙ..

ගොනෝ.. අද අපි නයිට් ක්ලබ් එකේ ඩිනර් ඩාන්ස් එක ප්ලේ කරනව ගිහින් ලෑස්ති වෙයන්.. 

අප්පට සිරි... මචන් සහනෝ මට ඒ ගැන පොඩ්ඩක්වත් මතකෙට ආවේ නැහැනේ..

ඔව් ඔව් මට තේරෙනවා.. දැන් මේ සියලු රෝග ලක්ෂණ පෙන්නුම් කරන්නේ උඹට ලෙඩේ උත්සන්න වේගෙන එනවා කියන එකයි.. කෝකටත් බෙහෙත් ටිකක අරන් දෙන්න වෙයි වගේ..

අනේ පල යන්න.. හිටහන් මම විනාඩියෙන් ලෑස්ති වෙලා එන්නන්...

ඉක්මට වරෙන්.. දැන් අරුගෙ වාහනේ ළඟ ලඟම එනවා ඇති බෝවයි මාවයි විකුනන්න අරන් යන්න..

හිටහන් විනාඩියෙන් මම රෙඩි ..

ඔය උඩ ඇඳුම් වලට යටින් අඳින එව්ව ඇන්දද කියල හරියටම බලහන්.. මේ දවස්වල උඹට තියෙන ලෙඩෙත් එක්ක එව්වා අමතක වෙන්න තියන සම්භාවිතාවය වැඩියි මස්සිනා..

අනේ පල යන්න..

අන්න උඹේ ෆෝන් එක රින්ග් වෙනවා බලහං .. ඇන්තනිය නම් ඌට කියහන් ඌට පරක්කුනම් අපිව දාල යන්න කියල.. අපි ට්‍රයිෂෝ එකක යමු බන්.. 

හරි උඹ ගිහින් ලෑස්ති  වෙලා වරෙන්කො... මම ඒක  බලාගන්නම්...

නොනවත්වා නාද වන්නාවූ ජංගම දුරකථනය අතට ගත් සහන් එහි තිරයේ දිස්වෙන අංකය දිහා විස්මයෙන් බැලුවේ එය ඇන්තනිගෙන් ලැබෙන්නාවූ දුරකථන ඇමතුමක් නොවෙන නිසා..

හෙලෝ...

හෙලෝ මේ ඇන්තනි ඇන්ඩ් ද ක්ලෑන් බෑන්ඩ් එකේ ගිටාරිස්ට් සහන්ද .. 

දුරකතනයේ එහා කෙළවරෙන් ඇසෙන්නාවූ මදක් අසා පුරුදු ගැහැණු කටහඬ සහන් වෙත ගෙන ආවේ විශ්මයක්..

ඔව්......කව්ද මේ...

අඳුනන්න බැරිද....

ම් ............................ ම්හ් ... අමාරුයිනේ...

සොරි අනේ.. මට අමතක උනා.. ෆේමස් මියුෂිශියන් කෙනෙක් විදිහට ඔයාලට කෙල්ලන්ගෙන් එන කෝල් ප්‍රමාණයේ හැටියට කොහොම මතක තියාගෙන ඉන්නද නේද..

හෙහ්... ඔයා කව්රු උනත් ඔයාල එහෙම හිතාගෙන ඉන්න එකත් නරකම නැහැ... ඇත්ත ඒක නෙවෙයි උනත් අපි එච්චර පොරවල් කියල හිතන එකම මදැයි..

ඒකත්  එහෙමද..

ඔව් ඒක එහෙම තමයි.. මාව වටේ යවන්නේ නැතුව දැන් කියනවද ඔයා කව්ද ඇයි කතා කරේ කියල..

අප්පේ මෙයාලගේ තියන ගණන්.. හරි.. කෙලින්ම කාරණාවට බහිමු.. සහන් මම මාධවී...

මාධවී කිව්වේ........

ඒ කියන්නේ ඔයා දන්නා මාධවීල ගොඩක් ඉන්නවද...

ම් ............ නැහැ... මම දන්නා මාධවීල එක්කෙනයි ඉන්නේ වැරදිලා හරි මගේ ෆෝන් එකට කතා කරන්න... ඒත්  එයා මගේ ෆෝන් නම්බර් එක දන්නේ නැහැ... දැනගන්න විදිහකුත් නැහැ... ඒත් මේ කතා කරන්නේ ඒ මම හිතන මාධවී නම් මටත් ඒ මාධවීට කතා කරන්න ඕනෑම වෙලා තිබුන වෙලාවක ආපු කෝල් එකක් මේක..

කියමු බලන්න කව්ද ඒ මාධවී කියල..

ඒ මාධවී තමා අනන්‍යා කියන මැඩම්ගේ යාලුවා මාධවී ...

ඒ කියන්නේ සහනෝ උඹට මට කතා කරන්න ඕනෑකම තිබ්බ..

අපොයි ඔව්.. ටිකක් නෙවෙයි ගොඩක්.. ඒත්  ඉතින් ඔබතුමිය එක්ක කතා කරන්න තියන ආසාවකට නෙවෙයි ඔන්න..

අපොයි ඔව්.. ඒක මම දන්නවා බන්... මෙහෙ ලෙඩේ උත්සන්නයි.. එකයි මම මේ ඇන්තනියට පොඩි බෝලයක් දාල උඹේ නොම්බරේ ඉල්ලගත්තේ..මට දැනෙනවා මුන් දෙන්නම මුන් දෙන්නට ලව් කියල සහන් 

ඒකත් එහෙමද... ඇත්තම කියනවනම් මෙහෙත් ලෙඩේ උත්සන්නයි මාධවී මැඩම් ...හැබැයි ලෙඩා බෙහෙත් බොන්න අකමැතියි වගේ...

මැඩම්  කෑල්ල කපල කතා කරපන් සහන් .. මට මුන් දෙන්නව මීට් කරන්න ඕන.. ඒත්  වැඩි කාලයක් ගන්න බැහැ ... මේකි මට ඉන්න දෙන්නේ නෑ ...

අපි අද ක්ලබ් එකේ ඩිනර් ඩාන්ස් එකක් ප්ලේ කරනවා මාධවී.. එහෙට එන්න පුලුවනිනම්..

එන්නනම් පුළුවන බං .. ඒත්  රජීව්කාරය ලංකාවේ ඉන්න නිසා අනන්‍යා එතනට අරන් එන එක ඒ තරම් නුවනට හුරු නෑ බං ...

කව්ද මාධවී මැඩම් රජීව් කිව්වේ...

එව්වා පස්සේ කියන්නම් බං ... මුන් දෙන්නව මීට් කරන්න විදිහක් කල්පනා කරපන්..

විසල් අරෙහෙ ලෑස්තිවෙනව පාර්ටි එකට යන්න.. අපි තව විනාඩි දහයකින් පහළොවකින් බෝඩිමෙන් පිටත් වෙනවා මැඩම් .. පොඩි වෙලාවකට කොහෙට හරි එන්න පුළුවන් වෙයි... 

හරි එහෙනම් විලාසිතා ඩ්‍රෙස් පොයින්ට් එකට විසල්ව අරන් එන්න පුලුවනිද...

ඔකේ මඩම්... මම මූව අතපය හතර බැඳලා හරි අරන් එනවා එනවාමයි... 

ප්‍රොමිස්?????

තවුසන්ස් ප්‍රොමිස්... අපිට ඉතින් මැඩම්ලාට වගේ ඉගිල්ලෙන්න පුළුවන් සීතල වාහන නෑ  හොඳේ... ට්‍රයිෂෝ එකක එල්ලිලා හැකි ඉක්මනින් එන්නං ..

හරි සහන් .. එහෙනම් මං අනන්‍යවත් අරගෙන ඩ්‍රෙස් පොයින්ට් එකේ ෆස්ට් ෆ්ලෝර් එකේ ඉන්නවා... 

ඕකේ මැඩම් ... හැබැයි මම මේක ප්ලෑන් කරා කියල විසල්ට කියන්න එපා... ඌ සැහෙන්න ගේමක් දෙනවා හිත රවට්ටගන්න මේ දවස්වල...

හරි සහන් ...අපි එහෙදි හම්බෙමු...

ඕකේ ... බායි...

දුරකථනය විසංදිකල සහන් සැනසුම් සුසුමක් හෙලා තම ලයේ දින කිහිපයක් තිස්සේ තිබු විශාල බරක් නිදහස් කර දැම්මේ දින ගණනාවක් පුරා පැවති ප්‍රශ්නයකට යම් හෝ විසඳුමක් ලැබෙන්නට යන්නාවූ නිසාවෙන්. සිදුවූ දුරකථන සංවාදය ගැන කිසිවක් නොදත් විසල් ඇඳුම් ආයිත්තම් වලින් සැරසී තම ගිටාරය කරේ දමාගත්තේ විගසින් ගොස් ඇන්තනිගේ වාහනයේ ගොඩවන අභිමතාර්ථයෙන්..

මොකෝ උඹට දැන්ද හදිසිය..

මට ඇති හදිසියක් නෑ බං ...අරූගෙන් කුණු කතා අහන්න වෙනවනේ ඉතින් පරක්කු උනාම.. යමං ...

කොහේ යන්නද බන්.. උන් තාම ආවේ නෑ ... මට මේස්  කුට්ටමක් ගන්න ඕන අපි ට්‍රයිෂෝ එකක නැගල ගිහිං  මේස් කුට්ටමක් අරගෙන එතනින් නගිමු..

මොකක්.. මේස් .... මේස් කිව්වේ මේ කකුලේ දාන මේස් ...

ඇයි  උඹ දැකල තියෙනවද සංගීත කාරයෝ අත් මේස් දාගෙන ප්ලේ කරනවා..

සංගීත කාරයින්ට අත් මේස් දාන්නේ මරුනාම බං....ඈ බං සහනෝ... උඹේ ඔය කරෝල ගඳ මේස කුට්ටම ඉස්පිරිතාලෙකින් වත් උස්සලද උඹ මේ තකහනියේ ඇන්තනිගෙන් බැනුම් අහගෙන මේස් හොයන්න දුවන්නේ..

ඉස්පිරිතාලෙකින් ????? ඒ මොන කුනුහබ්බයක්ද බං ...

නෑ  ඉතින් මහ ඉස්පිරිතාලේ ලෙඩ්ඩු සිහිනැතිකරන්න බේත් විදින්න ඕන නෑ  බොගේ මේස් කුට්ටම ටිකක් ලෙඩාගේ නාහෙට අල්ලුවනම්... හැබැයි ඉතින් ප්‍රශ්නෙකට තියෙන්නේ බොගේ මේස් කුට්ටම ඔපරේෂන් තියටර් එක ඇතුලට ගෙනකොටම ඒකෙ ඉන්න දොස්තරලා නර්ස්ල ඔක්කොම සිහි නැතුව වැටෙන එක..

අනේ පල යන්න.. ඔන්න ඔය ට්‍රයිෂෝ එක නවත්තහන් කැත කතා නොකිය...

සහන් සහ විසල් රැගත් ත්‍රීරෝද රථය විලාසිතා ඩ්‍රෙස් පොයින්ට් වෙත ලඟා වෙන්නට ප්‍රථම අනන්‍යා රැගත් මාධවීගේ රථය එහි ළඟාවී තිබුණා. මාධවී සහ සහන් විසින් සංවිධානාත්මකව ක්‍රියාත්මක කරවන්නා වූ හමුවීමේ කටයුත්ත ගැන කිසිත් නොදන්නා අනන්‍යා සහ විසල් විලාසිත ඩ්‍රෙස් පොයින්ට් වෙත පැමිණෙන්නේ තම තමුන් දකින්නට පෙරුම්පුරනා වැදගත්ම පුදගලයින් හමුවීමට වග ඔවුන් දෙදෙනාම දැන උන්නේ නැහැ. අනන්‍යා එය කලින් දැන  උන්නානම් මහත් උද්දාමයට පත්වන වග මාධවී දැන උන්නත් විසල් මෙම හමුවීම ගැන දැනගත්තානම් කුමනාකාරයේ ක්‍රියාමාර්ගයක් ගනීදැයි සහන්ට අනුමාන කළහැකි වුයේ නැහැ. ඒ මන්ද යත් විසල් තම හැඟීම් සහ බුද්ධිය සමග කරනා ද්වන්ද යුද්දය ප්‍රායෝගිකව දකිනා එකම පුද්ගලයා තමුන් පමණක්ම වන නිසා. ත්‍රිරෝද රථයේ ගමනට ගතවූ කාලයට අනුරූපව මාධවීට සහ අනන්‍යාට එහි ළඟාවීමට ඇති තරම් කාලය ප්‍රමාණවත් වග සහන් අනුමාන කල නිසා ඔවුන් කිසිදු පැකිලීමක් නොමැතිවම නිමි ඇඳුම් වෙළඳසල වෙත පිවිසුනා..

මචං විසල් උඹ දන්නවද මේකේ මේස් තියෙන්නේ කොහෙද කියල..

ම් .............නෑ ...

හරි එහෙනං  මම පහලට ගිහින් බලන්නං  උඹ උඩට ගිහින් බලනවද මචං ...

හ්ම්...

වෙළඳ ස්ථානයේ පිවිසුමත් සමගම තිබෙනා පඩි පේලිය දිගේ විසල් ඉහලට නගින්නට පටන් ගත්තේ තම ප්‍රාණ සමාන මිත්‍රයා වෙත මේස් කුට්ටමක් සොයාදෙන අවංක චේතනාවෙන්.. පළමු මහල වෙත දිවෙනා පඩි පේලිය දිගේ ඉහලට නගිනා විසල් දකිනා දර්ශනයෙන් පාශානභූත වන්නේ එය කිසිසේත්ම තමුන් බලාපොරොත්තු නොවූ අනපේක්ෂිත දර්ශනයක් නිසා.. පළමු මහල පිවිසුමේ ජංගම දුරකථනය ඔබමින් යමක නිරතවන ඒ සොඳුරු රුවැත්තිය අනන්‍යා හඳුනාගන්නට විසල් වෙත ගතවෙන්නාවූ කාලය ඇසුරු සැනක් පමණයි.  

සුදු නංගි ...

විසල්...එහෙනං අපි ආයේ හම්බුනා...

අනන්‍යාගේ දර්ශනයෙන් විශ්මයට පත් දෑසත්, වේගයෙන් ගැහෙනා හදවතත් විසල්ව නොසන්සුන් කරමින් තිබුනත් හැකි උපරිම වීරියෙන් තම නොසන්සුන් සිතුවිලි සමුදාය හසුරුවාගන්නට විසල් දැරූ උත්සාහය අතිමහත්.... අනන්‍යාගේ විශාල දෑස දිහා කෙලින්ම බලන්නට නොහැකියාවක් තමුන් තුල පවතිනා වග විසල් වෙත දැනෙමින් තිබුනා වුවත් එය අනන්‍යාට නොදැනෙන්නට පාලනය කරගන්නට විසල් උත්සහ කරමින් උන්නා..පාලනය කරගත නොහැකි තරමට කලබල පත් සිතුවිලි සමුදාය අතරේ අනන්‍යාගේ විසල් දෑස ළඟ නවතින්නට වෙර දරනා තම දෙනෙත් වෙනත් අරමුණක් දිහාවට යොමු කරන්නට විසල් විසින් දරනා ආයාසය අනන්‍යාට දනුනාද නොදනුනාද යන්න විසල්ට පැහැදිලි නැතත් විසල් උත්සහ කලේ අනන්‍යා සමග දොඩමලුවන්නට වචන කිහිපයක් සොයා ගන්නට. දහස් සංඛ්‍යාත ජනතාවක් ඉදිරියේ ගායනයෙන් වින්දනය සපයනා තමුන් සුරංගනාවියක් ඉදිරියේ මෙවන් ආකාරයෙන් අසරණ භාවයට පත්වේයැයි විසල් කෙදිනකවත් බලාපොරොත්තු වූ සිදුවීමක් නොවේ.

ඉතින් විසල් අයියේ.. කොහොමද..

හොඳින් ඉන්නවා සුදු නංගි .. ඔයා කොහොමද ඉතින්..

හොඳින් ඉන්නවා අයියේ..

අපි හමුවුනා එහෙනං ...

හීනයක් වගේ සුදු නංගි ...

ඉතින් කොහෙද මේ හදිසියේ...

අද බුකින් එකක් සුදු නංගි .. අපේ සහන්ට මේස් දෙකක් ගන්න කියල ආව යන ගමන්..

ඉතින් සුදු නංගි  කොහෙද මෙහේ ...

මගේ යාළුවා මාධවී එක්ක ආව අයියේ...අද කොහෙද අයියේ ෂෝ එක...

ලේක් කලබ් එකේ සුදු නංගි ..

මම එන්නද අයියගේ සිංදු  අහන්න..

ඒක සුදු නංගිට යන්න සුදුසු තැනක් නෙවෙයි සුදු නංගි ..

ඒ මොකෝ..අනේ ප්ලීස්...

එතන බීගත්තු එවුන් වැඩියි සුදු නංගි .. 

ඉතින් මොකෝ..

උං කිසි චාරයක් නෑ  සුදු නංගි ... ඒ හින්ද ඕන නෑ ...

ඉතිං  මාව ආරක්ෂා කරන්න සුදු අයියෙක් ඉන්නවනේ.. මම එනවා... එනවා... එනවාමයි...

කව්ද අප්පේ සුදු අයිය...

මේ ඉන්නේ මම ඉස්සරහ..

හා එහෙනං .. යන ගමන් පෙන්නගෙනම යමු සුදු නංගි ..

මොකක්ද අයියේ..

සුදු නංගිගේ ඇස්  දෙක...

අනේ යන්න සුදු අයියේ යන්න.. ඔයා මට සුදු නංගි  කියනවනං ඔයා ඉතින් සුදු අයිය වෙන්නෙපයි ..

ඇස් පෙනීම නම් හොඳටෝම දුර්වලයි වගේ...

අනේ පල යන්න... අද මම ආසම ආසම සින්දු ගොඩාරියක් කියන්න ඕන හොඳද...

ඔයාටනම් ඇත්තටම පිස්සු..

කමක් නෑ .. පිස්සිට අහන්න සිංදු ගොඩාක් කියනව නේද..

හ්ම්..

මට සමාවෙයන් සුදු නංගි .. මට ඔයාගේ ඇස්දෙක දිහා බලාගෙන කතා කරන්න බෑ .. එහෙම කරාම මට මගේ හිත හංගන්න බෑ සුදු නංගි ..ඒ වගේම උඹේ ඇස්දෙක දිහා බැලුවාම මට හරි දුකයි.. අනන්‍යාගෙ ඇස්දෙක දිහා බලාගෙන විසල්ට එහෙම කියන්න ඕන උනත් විසල් එහෙම කිව්වෙ නෑ ... හිතෙන් හිතුව විතරයි.


ඔබ හැර ගිය පෙම්බර හිත
තනියෙන් ඉකිබින්දා
හද මඩලේ ඔය රුව මා ගෙත්තම්  කෙරුවා
ඔබට මා පෙම් කලා රිදවලා හැර ගියා
ඔය මුවේ මුදු සිනා මැවෙනවා පෙනෙනවා

මගේ මැයි කියු දිගු දෙනයන අද මට හිමි නැතුවා
මුලු ලොව මට ලැබුනත් මදි ඔබ නැති හන්දා
ඔබට මා පෙම් කලා රිදවලා හැර ගියා
ඔය මුවේ මුදු සිනා මැවෙනවා පෙනෙනවා

බලා ඉන්නම් කල්ප ගානක් උනත් මං
එදා කී කතා සිත පතුලේ තියා

********

පස්වෙනි කොටස
http://ambalangodakatha.blogspot.com/2016/12/5.html

Sunday, November 13, 2016

නයිට් රයිඩර්





ගුඩ් මෝර්නින් කිට්... ගේ ඉස්සරහට කමීන්..

මයි......ගල්.....ග්ල්බ්...කී..............................න්...

කිට්.....කිව්වම අහල වරෙන් බා...න්... මට හංදියේ කඩේට ගිහිං එන්නෝන...

මයි.......ල්.....කී......................................න්......කූ.....................................න්......

කිට් උඹ කොහෙද බාන්...වරකෝ ගේ ඉස්සරහට.. බීඩි මිටියක් ගේන්න සයිමගේ පෙට්ටි කඩේට ගිහිං එන්න වරෙන්කො ගෑනි ඇහැරෙන්න කලින්..

දැන්...කී...........පාරක්....කී ...ව...ද....මයිලෝ....කී.............................න්..කූ................................න්... ඇන්ජිම ස්ටා...........ර්ට්... නෑ.... කි....යල.....

හුටා... හිටහන් බලන්න මම එන්නං...  මේ මගුලේ බැටරි බැහැල එහෙනං...මං හිතුව මූ කියනදේ කැඩී කැඩී ඇහෙනකොට..

හ්ම්... හිටින් බලන්න තල්ලුවක් දාගන්න එකෙක් අල්ලගන්න ඉන්නවද කියල.... කව්දෝ පොරක් එනවා පේනවා... මේ ලොකු උන්නැහේ... බෑරක් වගේ..

අනේ මේ මයිකලයෝ... පිස්සුනම් කෙලින්න එපා.. මටනං බෑ බෝගේ නයිට් රයිඩරේට තල්ලු දාන්න..

අනේ බුදු අංකල් එහෙම කියන්න එපා බං.. එකම එක තල්ලුවක් දාමු.. අද විතරයි..

මේ මයිකලයෝ.. මට අල්ලන්නේ නැත්තෙ බොගේ ඔය අංකල්නො කෑල්ල තමා.. බලහං උඹ හරි වයසෙන් කසාද බැන්දනම් උඹට දැන් මුනුපුරු මිනිපිරියොත් කසාද බඳින වයසේ වෙච්චි උඹ මොන එහෙකටද මට අංකල් කියන්නේ..

අනේ එහෙම නෙවෙයි ඉතින්... කට වචනෙට කියවුනා අංක...සොරි... අයියේ..

 අපේ ගෑනි මගින් මගට කිව්වා  මේ පාරෙන් යන්න එපා කියල..

ඒ මොකෝ අයියේ..

ඇයි බං මයිකලයෝ උදේට මේ ගං තුලානේ එකෙක්වත් මේ පාරෙන් රස්සාවට යන්නේ නැහැ බොගේ නයිට් රයිඩරේට තල්ලු දාන්න වෙන නිසා..

ඔය ඉඳල හිටලා ඉස්ටාර්ට් නැතිවුනත් වාහනේ පරණ වුනත් තල්ලුවක් දාල ඉස්ටාර්ට් කරගත්තම ඕන දුරක් ඕන කන්දක් නගිනවා බන් අයියේ..

අනේ මේ මං කියන්නේ නෑ බොගේ තල්ලු දාල ඉස්ටාර්ට් කරන එක..

අනේ ඉතිං තරහ ගන්න කාරී නෑ.. තල්ලු පොඩ්ඩක් දාන්න පොඩි උදව්වක් දියන් අයියෙ.. බීඩි මිටියක් ගන්න සයිමගෙ පෙට්ටි කඩේට දුවල එන්න කියල මේ.. මං අයියවත් මගින් දාගෙන යන්නං..

බුදු අම්මෝ මයිකලයෝ.. මං උඹට තල්ලු දාල දෙන්නං උඹ යන දේවාලෙක තනියෙන් පලයන්.. මටනං බෑ ඔය අටමගලෙ නැගල යන්න..

ඒ මොකෝ බං අයියේ..

බොලා තරුණ කාලේ ඔය කාර් කටුවෙන් දාපු වැඩ  කිඩ වලට ඔව්වයේ කොතන කොතන ඇණ මුරිච්චි බුරුල් වෙලා තියෙනවද දන්නෙත් නෑ.. අනික් එක උඹේ ඩ්‍රයිවින් මට ඒ තරං සුවර් නෑ බං..

පී................ස්සුද බං අයියෙ... කාර් එක තාම ඒ වගේමයි.. කිසි..................ම ලෙඩක් නෑ...

අනේ පලයන් බං මයිකලයො යන්න.. දැන් අවුරුද්දක් දෙකක් බොට මේකේ බැටරිය දාගන්න බැරිවුනා... බලහන් ටයර් හතර හතර ජාතියෙන්.. එව්වත් රීබිල්...කැන්වස් පෑදිලා... ඉතිං උඹ කියනව නයිට් රයිඩරේ තාම ඒ තත්වෙන්ම තියෙනව කියල.. ඔව්ව කියහන් කොන්ඩේ බැඳපු චීන්නුන්ට..

මේ දවස්වල ෆුල් කෝඩේ බං අයියෙ.. සතේ අතේ නෑ.. ඉස්සර නං හොරෙක් දෙන්නෙක් අල්ලලා හරි කීයක් හරි සොයාගත්තා.. දැන් ඉන්න හොරු අල්ලන්න නයිට් රයිඩරේ පන මදියි බන් අයියෙ.. කිට් කාරය මේ මගුල ඉස්ටාර්ට් කරනකොටත් හොරු උන්ගේ හයිබ්‍රිඩ් වලින් ගෙවල්වලත් ගිහිං..

ඉතිං පලයන්කෝ රස්සාවකට..

රස්සාවක් කියල ඉතින් මක් කරන්නද බං අයියෙ..ඩ්‍රයිවින් වැඩක් වත් තමා ඉතින්..මං කියල ඉතින් වෙන කරුමාන්තයක් දන්නවා කියලය..

ඇයි බං උඹ හන්දියේ හාඩ්වෙයාර් එකේ සිමෙන්ති ලොරිය එලෙව්වා නේද දවසක් දෙකක්.. ඒ රස්සාවට මොකෝ උනේ..

හපොයි අයියේ මතක් කරන්න එපා.. මමත් ඉතින් රස්සාවක් නැති කමට ගියාට ඒ ලොරි දණ්ඩ බර සාර වැඩියි බං..

ඒ කිව්වේ බං..

ඒ ලොර්යේ පවර් ඉස්ටියරින් නැහැ බං.. නයිට් රයිඩරේ වගේ නෙවෙයි බං... ගියර් පොල්ල එහෙ මෙහෙ කරන්න හච් එක දෙපාරක් පාගන්න ඕන ..

මොකක් කිව්වා..

ඔව් බං අයියෙ... මාර තදයි හච් එක... සුක්කානම කපන්න තව එකෙක් ඕන සිමෙන්ති පැටෙව්වාම...

හච් එක කිව්වේ මොකද්ද බං මයිකල්..

හච් එක බං හච් එක.. අර ගියර් දානකොට පාගන්නේ..

අනේ බොගේ මොලේ.. හච් එක නෙවෙයි ගොනෝ ක්ලච් එක..

ආන් හරි.. ඒක තමා..

ඉතිං මොකෝ උනේ රස්සාවට..

මුදලාලිය මාව අයින් කරා බං..

ඒ මොකෝ බං..

දවස් දෙකක් වැඩ කරලා ඇඟේ අමාරුවට කියල දවසක් නිවාඩු ගත්ත බං.. සිමෙන්ති බානවට වඩා අමාරුයි ඒක එලෝන එක..

ඔව් ඉතිං උඹ කියල ඒ කාලේ හිටන්ම සරීර හොරානේ.. නයිට් රයිඩරේ නැගල එහෙට මෙහෙට ගිහින් ගෑනු දැරිවියොන්ට විරිත්තුව මිසක් උඹ හරිහමන් රස්සාවක් කරා කියලය..

කව්ද බං අයියෙ හිතුවේ මෙහෙම කාලයක් එයි කියල..

ඉතිං බං ඔය කාර් කටුව විකුණලා කීයක් හරි අරගෙන බිසිනොස් එකක්වත් කොරහන්කෝ..

කොහෙද ඉතින් ඒක කරන්නත් අපේ ගෑනි කැමති නැහැනේ බං අයියේ...

ඒ මොකෝ..

ඒ ගෑනි කියන්නේ ඒ ගෑනි මාව කසාද බැන්දේ ඔය කාර් කටුව නිසාය ඒක වික්කොත් දික්කසාද වෙලා ගෙදර යනවා කියල..

ඒකත් හැබෑව.. බොගේ ඔය ටිකක් හැඩ මුනත්තහඩුවයි ඔය කාර් කටුවයි නැත්තම් බොට කියලා මොනවා තියෙනවද බං...මොකෝ උඹ හරි හමන් වුර්තියක්වත් ඉගෙනගත්තු එකෙක්ය..

අනේ දැන් ඇති බං මේ කතාව.. ඉක්මනට වරෙන් මේකට තල්ලුවක් දාගන්න.. අර යෝදි ඇහැරුනොත් කඩේට යන්න වෙන්නේ නෑ...

හා එහෙනං අල්ලහන් බලන්න...

හ්ම්... ඔන්න එහෙනං... කිට්... ඔන්න අපි තල්ලු කරනව.. ඉස්ටාර්ට් කරගනිං...

කරා.......ස්.........බරා....ස්...බ්රූම්.....බ්රූ..............................................................................................................................................ම්......... පුහ්......පොහ්..........බ්රූම්......


යාන්තං ඇති ඉස්ටාර්ට් උනා..

හා එහෙනං.. මම ගිහිං එන්නං මයිකලයෝ... හෙටත් තල්ලු කරන්න වෙයිද...

කියන්න බෑ බං අයියේ... ඒ මොකෝ එහෙම ඇහුවේ...

නෑ බන්.. අනික් පාරෙන් යන්න ඇහුවේ...

න්....නෑ ....නෑ..... හෙට ඉස්ටාර්ට්  වෙයි.... කිට් යමං ඉක්මනට අර යක්සනී ඇහැරෙන්න කලින් බීඩි මිටියක් ගේන්න ..

ඉක්මනට යන්න කිව්වට එහෙම යන්න බෑ බං මයිකල්... අරුන් ඉන්නවද දන්නේ නෑ හංදියේ...

කව්ද බං අරුන් කිව්වේ...

සීසර්ලා බන් සීසර්ලා...

ඒ මොකෝ බං...

ඔන්න ඉතින් උඹ බබා වෙන්න හදනවා මයිකල්... උඹ දැන් මේකට ෆිනෑන්ස් එකක් දාල ගෙයි කුස්සියේ වහල හදන්න කියල සල්ලි ගත්ත කෝ ගෙව්වද...

හරි බං ඉතිං කෝ ගෙවන්න සල්ලි... මාස කීපයක් ගෙවන්න බැරිවුනා තමා...

මං දන්නේ නෑ මාස කීයද්ද කියල.. ඒ උනාට නයිට් රයිඩරේ උස්සන්න ඊයේ මගේ පස්සෙන් පැන්නුව සීසර්ලා වගයක්.. අනූ නමෙන් බේරුනේ.. අන්තිමේ උඹ හදපු වහලකුත් නෑ නයිට් රයිඩරේ පොතත් ෆිනෑන්ස් එකේ..

ඒකත් එහෙමද... දැන් මොකද කරන්නේ ඉතිං.. වාරිකයක් දෙකක්වත් දාන්න අතේ සල්ලියක් නෑනේ බං... බීඩි මිටිය ගන්න රුපියල් විස්සක් ගෑනිගේ පර්ස් එකෙන් පන්න ගත්තෙ බොහොම අමාරුවෙන්...ඔන්න ඔතනින් නවත්තහන් අයින් කරලා.. මම සුටුස් ගාල බීඩි මිටියක් අරන් එන්නං... කල්පනාවෙන් හිටහන්...

ඉක්මනට වරෙන් මයිකල්... උඹේ අර යක්ස ගෑනි දැන් මාව හොයනවා ඇති...

ඒ මොකොටෝ...

ඒක උඹට වැඩක් නෑ ඉක්මනට වරෙන් බීඩි මිටිය අරගෙන ..

හ්ම්.. හිටහන්කෝ..

මයිකල් ඉක්මනට වරෙන්කො... පරක්කු වෙනවා බාන්..

හරි හරි යමං යමං... උඹත් දැන් හරි ගණන් නේද බන් කිට්...

මේ මයිකලයෝ... ඒ ගණන් වලින් වැඩක් නෑ.. උඹේ ඔය බීඩි කොටේ කාර් එක ඇතුලෙන් පත්තු කරනවා නෙවෙයි ඔන්න..

ඒක හරි මගුලක්නේ යකෝ.. මගේ කාර් එකේ මට බීඩිය පත්තු කරන්න එපා කියන්න උඹ කව්රු කියල හිතුවද කිටෝ...

අනේ මේ මයිකලයෝ... උඹ මාව කේන්ති ගස්සන්නේ නැතුව පාඩුවේ යනවද.. වැඩිය කට ගැහුවොත් මම උම්බෝව වහල ඇරලා විසික් කරලා දානවා දැනගනින්..

අප්පද බොල.. මුගේ තියන ගණන්..

මේ මයිකලයෝ උඹ දැන් අවුරුදු ගානක් තිස්සේ කරපු බම්බුවක් තියෙනවද.. මේකේ ටයර් හතර දාගන්නවත් උඹ රස්සාවක් කරාද..

ඉතින් ඒ කියල උඹට පුලුවනිද කියන්න මට බීඩිය පත්තු කරන්න එපා කියල..

මයිකලයෝ....මම උඹට නොකීව කියන්න එපා බීඩිය පත්තු කරොත් නම් මම බොගේ කොන්ද කැඩෙන්නම උඹව උඩ විසික් කරනවා කරනවා කරනවාමයි.. අපි තව විනාඩියෙන් ගේ ගාව.. ඒ නිසා ඉවසගෙන හිටහන් ඔය කැහි කූර පත්තු නොකර..

මොකෝ බන් කිටෝ බෝගේ අද ඔච්චර ගණන්.. වෙනද මම මේක ඇතුලෙ බීඩි මිටියම එකපාරට පත්තුකරන් බිව්වත් උඹ මුකුත් කිව්වේ නෑනෙ..

මට උඹ මේක ඇතුලේ බීඩි කර්මාන්තාසාලාවක් ගෙනත් බීවත් කමක් නෑ බොල මීමෝ..  ඒත් මේ දවස්වල උඹේ ගෑනි මේකෙන් පොඩි බිස්නොස් එකක් කරනව.. ඒ හින්ද උඹ මේකෙ බීඩි බොනවා එහෙම නෙවෙයි ඔන්න..

අප්පද බෝල බිස්නොස් එකක්.. ඒ මොකක්ද බන්..

ඒක අහගනින් උඹේ අඹේනිගෙන්.. මට ඕව කියල උඹේ යක්ස ගෑනිගෙන් කුණු කතා අහන්න බෑ බන්.. මම කොම්පීටරයක් උනත් උඹේ ගෑනි කියන කුණු කතා අහගෙන ඉන්නකොට හිතෙනවා මේක ගිහින් රුහුණු කුමාරිය එන වෙලාවක් බලල රේල් පාර හරහ නවත්තන්න අම්මපා.. උඹ කොහොමද බන් ඇහුනා නාහුනා ගානට ඉන්නේ හැබෑටම..

කිටෝ.. මට දැන් කම්මලේ බල්ලට වගේ ඔය ගෑනිගේ බෙලිකටු මල්ලේ සද්දේ හුරුයි බං.. කියහන්කෝ කිටෝ.. උඹ හැබෑටම කොහෙද අපේ ගෑනි එක්ක හැමදාම උදේට අන්තරස්දාන වෙන්නේ..

ඕන් ඉන්නවා ගින්දර පිටවෙවී කඩුල්ල ගාවට වෙලා.. උඹම අහගනින්කෝ.. මම නම් නෑ ඕවට..

හුහ්.. මයිකල්.......තමුසෙ කොහෙද නයිට්රයිඩරේ අරන් ගියේ උදේ පාන්දරම...

ඇයි හත් ඉලව්වේ මේක මගේ නයිට්රයිඩරේ .. තවුසෙගෙන් අහන්න ඕනෙද මට ඒක අරන් හන්දියට යන්න..

අනේ මේ මනුස්සයෝ..ඕකට පැට්‍රොල් ගහන්නේ ඔහේ නෙවෙයිනේ.. තමුසෙගෙ මේ මල මසිත්තු කාර් කටුවටයි මුනත්තහඩුවටයි රැවටිලා තමයි මම මේ අපා දුක් විඳින්නේ අද..

හරි හරි.... දැන් ඒවයින් පලක් නෑ... දැන් කොහෙද මේ උදේට උදේට කොටට ඇඳගෙන තොල් සායං ගාගෙන නයිට්රයිඩරේ අරන් අන්තරස්දාන වෙන්නේ කියල කියනව බලන්න.. කිටාගෙන ඇහුවට ඌ කටේ කෙල බිම හෙලන්නේ නෑ..

මම යන්නෙ තමුන්නැහේටයි තමුන්නැහෙගේ දරු පටවුන්ටයි බඩ කට පුරවන්න කීයක් හරි සොයන් එන්න ..

මොකක්..

ඇයි ප්‍රශ්නයක්ද.. තමුසේ හිටිය කියල මොකෝ රස්සාවක් කරල දරුවන්ට මට කන්න අඳින්න දෙනව කියලය..

දැන් ඔහේ කොටට කොටේ ඇඳගෙන තොල් සායං ගාගෙන ගිහින් කරන රස්සාව මොකක්ඩ කියනවා බලන්න..

මේක රස්සාවක් නෙවෙයි ඕයි.. පොඩි බිස්නස් එකක්..

මොකක්..

හ්ම්..

කියනවා බලන්න මොන වගේ එකක්ද කියල..

අපි ටවුමේ පාර්ක් එක ගාව පොඩි බිස්නස් එකක් කරනවා..

අපි කිව්වේ කව්ද ..

අපි කිව්වේ මමයි නයිට්රයිඩර් එකයි..

ඒ මොකක්ද බං යෝදියේ..

පාර්ක් එකට එන පොඩි එවුන්ට නයිට්රයිඩරේ රවුමක් යන්න හයර් කරනව..

අප්පටසිරි.. පට්ට බිස්නස් එකක්නේ බන්.. ඉතින් වාසි ඇති නෙහ්.. මට රුපියල් සීයක් දෙනව එහෙනං.. අද රේස් කොලේ සුපිරි අස්සයෝ ත්‍රිබලක් ඉන්නව.. අනිවා හෙට වින්..

මගෙන් මුකුත් නාහ ඉන්නව හොඳයි.. තමුන් හිතන් ඉන්නේ මේ කබල් කාර් කටුවට පොඩි එවුන් නගිනව කියලද...

පොඩි උන් වැල නොකැඩි එනවා ඇත්තෙ මගේ නයිට්රයිඩරේ රවුමක් යන්න.. මේ... මම නොකීවයි කියන්න එපා... මට දවසට පන්සීයක් ඕන කාර් එකේ කුලිය..

අනේ මේ... මගෙන් කුණුහරුප නාහ ඉන්නවා මනුස්සයෝ.. දැන් ඉන්න පොඩි එවුං මේ කසි කබල් නයිට්රයිඩර් එකක් ගැන දන්නෙවත් නෑ.. උන්ගෙ මහ එවුං මේක ගැන තියන ආසාවට පොඩි එවුන් ටික බලෙන් දාගෙන රවුමක් යනවා මිසක්.. ඊයෙත් පොඩි එකෙක් උගේ මහා එකාගෙන් ඇහුව ඊයා තාත්තේ ඇයි මේ කබල්ම කබල් කාරෙකේ රවුමක් යන්න මේ ඇන්ටිට සල්ලි දෙන්නේ කියල.. ඌ අහනවා අපේ හයිබ්‍රිඩ් එක මීට වඩා කොච්චර සැපද කියල.. මට පොලෝ පලන් යන්න හිතුන.. ඒකෙන් වැඩි වාසියක් නැති හින්ද මං වෙන බිස්නස් එකක් ගැන හිතුව..

අනේ මේ..... උන් දන්නවද මගේ නයිට්රයිඩරේ වැඩ කිඩ...

හා හා.. ඇති ඇති... මම දන්නවනේ ඔහේගෙ නයිට් රයිඩරේ වැඩ කිඩ... කොහෙද ඉතින් මමත් අහුවුනානේ ...

හා හා ඇති ඇති.. ඔය බෙලිකටු මල්ල හොලොවන්නේ නැතුව දැන් යන ගමනක් යනව...

හ්ම්.. කිටෝ.. යමු යන්න..

කිට්.. අද ඉඳන් හයර් කීයක් දිව්වද කියල මට හවසට කියන්න ඕන හරිද..

අනේ මේ මයිකල්.. උඹ එව්ව ගෑනි එක්ක බේරගනින්.. මගෙන් ඕව අහන්න එපා...

හෝව් හෝව්.. පොඩ්ඩක් හිටහන් කිට්.. මට මයිකල්ට අනික් පණිවිඩේ කියන්න මතක උනා..

මොකක්ද බං යෝදියේ.. තව ලෙඩක්ද.. මටනං බෑ අදත් රෙදි හෝදන්න.. ඔන්න මං කලින්ම කිව්ව..

රෙදි හෙදිල්ලක් නෙවෙයි මනුස්සයෝ.. අද ඉඳන් හවසට ඔහේට අලුත් වැඩක් තියනව කරන්න..

ඒ මොකද්ද බං..

මම බේකරියේ නාන එක්ක කතා කරා..

ඒ මොකක් ගැනද..

අලුත් බිස්නස් එක ගැන..

ඒ මොකද්ද බං..

නාන කිව්වා පහුවදාට සල්ලි බේරන්න  පාන් බනිස් මාළු පාන් ණයට දෙන්නං කියල..

ඒ මොකටද බං..

මොකටද ඉතින් විකුනන්න මිසක්..

ඉතිං ඕව විකුනන්න කෝ බං ගෑනියේ අපිට කඩයක්..

කඩ මොකදට මනුස්සයෝ..

මොකක්.. ඔහේට පිස්සු හැදීගෙන එනවද..

මට ඇති පිස්සුවක් නෑ මනුස්සයෝ.. අද මම දවල්ට එනකොට ලැයිස්කීපර් කට හයිකරවගෙන එන්නන් රේඩියෝ කඩේ මල්ලිට කියල.. ඔහේ ඔය රැවුල හෙම කපාගෙන ටිකක් පිළිවෙලකට ඇඳුමක් දාගෙන ඉන්නවකෝ..

ලැයිස්කීපර්කට????????ඒ කොහේ යන්නද බන් .. කොහෙහරි මගුලක්වත්ද

මගුලක යන්න නෙවෙයි මනුස්සයෝ.. මම පිළිවෙලකට පාන් බනිස් ටික අඩුක්කරලා දෙන්නම්.. ඔහේ ඔය කාර් කටුවේ වහලේ තියන කොටුවෙන් එලියට හිටගෙන අද ඉඳන් නයිට්රයිඩරේ චූන් පාන් විකුනනව..කිට් කාර් එක එළවන් යාවි..මොකෝ දන්න කාලේ ඉඳන්ම ඕක එලෙව්වේ ඌ මිසක් ඔහේ නෙවෙයිනේ ..

හුටා..