මේ ලෝකෙට උපදින වීරයෝ බහුතරයකට, සුදුසුම වෙලාවට, එහෙමත් නැතිනම් හරීම වෙලාවට නික්ම යන්න වාසනාව ලැබෙන්නෙ නෑ.. බහුතරයක් තන්හාව නිසා යම් යම් දේවල එල්ලිලා ඉන්න අතරේ බහුතරයෙන් තවත් සමහරක්, නික්ම යායුතු වග දැනුනත් සඟවාගත් අවශ්යතා හෝ තුන්වන පාර්ශවන්ගේ අවශ්යතා වෙනුවෙන් යම් යම් තැන්වල එල්ලිලා ඉන්නව.. ඒ නිසාම බුහුතර වීරයන්ට ගෞරවාන්විත නිකමයාමක් සටහන් කරලා ජීවිතයෙන් හෝ තනතුරු තානාන්තර වලින් නික්ම යන්න බැරි වෙනව..
ලෝකෙ ගත්තත්, ලංකාව ගත්තත් බහුතර වීරයෝ අන්තිමේ නික්ම යන්නෙ බලු වෙලා.. ඒ වෙන මුකුත් නිසා නෙවෙයි හරිම වෙලාවට නික්මීම සටහන් කරන එක උවමනාවෙන්ම මගහැරපු නිසා.. එහෙම නාමිකව සටහන් කරන්න පුලුවන් අපේ යුගයේ පලවෙනි වීරයා මගේ කියැවීම හැටියට අර්ජුන රණතුංග.. දෙවැනියා මහින්ද රාජපක්ශ, තුන්වැනියා සරත් ෆොන්සේකා.. ඊට අමතරව, වීරාත්මක අවසානයක් සාක්ශාත් කරලාත්, ඒ දිනුම් කණුව පහුකරගෙන ඇවිත් ලැබූ ජය සන්තෝසයෙ විඳගෙන, නික්ම යාම උවමනාවෙන්ම මැගහැර බලුවුන වීරයෝ ලංකාවෙ ඉතිහාසයේ ඕනෑතරම්..
නන්දා මාලිනිය සංගීතයට කරපු මෙහෙවර ගැන ලොරි ටෝක් ලියන්න මට සංගීතය පැත්තෙන් සුදුසුකමක් නෑ කියල මම විශ්වාස කරනව.. ඒත් නන්දා මාලිනියගේ නිර්මාණ අපේ හදවත ඇතුලේ ටච් කරපු තැන නැවත ටච් කරන්න අපේ ජීව්ත කාලය ඇතුලත වෙන කිසිදු නිර්මාණ කරුවෙකුට පුලුවන් වෙන එකක් නෑ කියලයි මගේ විශ්වාසය.. ඒ තරමට ඇයගේ නිර්මාණකරණය අසම සමයි.. ඒ වගේම ඇයගේ අධ්යාත්මීය මැදිහත්වීම ලාංකීය සමාජ ක්රමය ඇතුලේ අසාධාරණයට ලක්වෙන මිනිස්සුන්ට හරිම හර්දයාංගමයි.. ලඟයි..
මගේ කියැවීම හැටියට නන්දා මාලිනිය හරිම වෙලාවෙ තමුන්ගේ නික්ම යාම සටහන් කරන්න වාසනාවන්ත වුනා කිව්වොත් කවුරු මං එක්ක එකඟ වේවිද නොවේවිද කියලා මම දන්නෙ නෑ.. මම මේ කියන්න හදන්නෙ ඇය මේ පසුකරමින් ඉන්න මොහොතේ මියගිය එක හොඳයි කියලා වගේ එකක් නෙවෙයි, සංගීතයේදීත්, ජීවිතයේදීත් වගේම ඇය මරණයේදීත් අතිශය වාසනාවන්තයි කියල..
නන්දා මාලිනී සහ වර්ථමාන රජය අතර සෘජු සම්භධයක් නැතත්, අනුර කුමාරලාට අද ඉන්න තැනට එන්න තරම් හයිය මිනිස්සු වෙන්න පෝශණය සැපයූ මාධ්ය අතරේ නන්දා මාලිනියගේ සංගීතමය මැදිහත්වීම සෑහෙන්න ලොකු තැනක තියනවා කියලා මම විශ්වාස කරනව.. එකදහස් නවසිය හැත්තෑ එක සිට ගත්තත් දශක පහකට ආසන්න කාලයක් නන්දා මාලිනියගේ හැඟීම් ලංකා පොලොවට සාධාරණ සමාජයක් උදා කරන්න ලොකු බරක් උහුලන්න ඇති කියලාත් මම විශ්වාස කරනව.. පාලකයෝ මරන්න එලවද්දි රටින් පැනල ගිහින් හැංගිලා ඉන්නවුන අති භයානක සහ දුශකර කාලෙකත් ඇය ඇයගේ සංගීතමය වගකීම ලංකා මහපොලොවේ වපුරන්න වෙහෙසක් ගත්තු වගට සංගීතමය සාක්ශි ඉතිසාහය විසින් සටහන් කරලා තියෙනව.. ධර්මතාවය නිසාද, ජීව්ත කැප කිරීම් වෙනුවෙන් උන්ටත් සාධාරණයක් වියයුතු නිසාදෝ මන්දා අවසානයේ නන්දා මාලිනිය පැතූ පාලනය උදා වෙනවා ඇහින් දැකගන්න ඇය වාසනාවන්ත වීම ගැන දැනෙන්නෙ අප්රමාණ සන්තෝසයක්.. ( ඒක ඇහින් දකින්න ගුණදාස කපුගේත් ජීවත් වුනානම් 🥲 )
හැත්තෑ එකේ ඉඳන් ඉල්ලපු සාධාරණ සමාජය උදා කරන්න රට බාරගතපු කන්ඩායම අවුරුදු දෙකකුත් අවසාන වෙද්දි ගමන් කරමින් ඉන්න දිශානතිය, භාවිතා කරන මෙවලම් සහ ක්රමවේද, ( Materials and methods ) දිහා සූක්ශමව බැලුවාම අනුර කුමාර ප්රමුඛ ආන්ඩුව වසර පහ අවසානයේ කෙලවර වෙන්නෙ නන්දා මාලිණියලා කපුගේලා වෙහෙසවුන සහ අරමුණු කරපු තැන නෙවෙයි කියලයි මගේ අනුමානය.. ඒ නිසා තමයි මම කියන්නෙ අවුරුදු පනහක් තිස්සේ ජීවිත කැපකරගෙන දුවපු රේස් එක දිනනවා විතරක් දැකලා ඒ සන්තෝසය විඳගෙන ජීවිතේ අවසන් කරන්න ලැබුන නන්දා මාලිනියගේ මරණය වාසනාවන්ත එකක් කියල.. අනුර කුමාරගෙ ආන්ඩුව වසර පහ අවසන් කරන තැන දැකලා නන්දා මාලිනියට මියන්න වෙනවට වඩා Finally We did it .. මනසින්, ඒ සතුටෙන්, ඒ සොම්නසින් , ඒ වීරත්වය විඳගෙන නිකම යන්නට ලැබීම නන්දා මාලිනියගේ වාසනාව කියලයි මගේ කියැවීම..
නියම වීරයෝ තමුන්ගේ පැවරුන රාජකාරිය අවසන් කරලා හරි වෙලාවෙදි නික්ම යනව.. වෙනත් අරමුණු වෙනුවෙන් වීරත්වය ආරෝපණය කරගත්තු මිනිස්සු දිනුම් කනුව පහු කරලත් සඟවාගත් මුඛ්ය පරමාර්ථ වෙනුවෙන් වීරත්වය බල්ලට වැටෙනකල් රේස් එක දුවනව.. ඇස් ඉස්සරහ තියන උදාහරණ දිහා බැලුවාම නන්දා මාලිනිය ජයග්රහණය විඳගෙන සතුටින් නික්ම ගිහින්... ඒ තමයි නියම වීරයින්ගේ ක්රමය..
ඉදින් මැතිණියනි, ඔබගේ හඬ සහ සංගීත මුසු ඔබගේ අධ්යාත්මයට සවන්දීමට ලැබිම අප ලැබූ මහා භාග්යක්කොට සලකන්නෙමු.. එම අවස්ථාව අපහට ලබාදීමට ඔබතුමිය විඳි අප්රමාණවූ දුක් ගැහැට සහ ඔබතුමියට ජීවිතයේ අහිමිවූ දෑ ගැන ජන සමාජයක් වශයෙන් අපගේ සාතිශය සංවේගය ප්රකාශ කරන්නෙමු.. ඔබ පැතූ ලෝකය කෙදිනකහෝ උදාවනතුරු අපද ඇසිපිය නොහෙලා බලා සිටින්නෙමු.. මෙවන් අසාධාරණ සමාජයක කෲරත්වය නැවත නැවතත් විඳින්නට අවස්ථාවක් නොලැබ ඔබට මතු ආත්මභවයේම නිර්වාණය සාක්ශාත් කරගන්නට වාසනාව ශක්තිය දහිර්ය ලැබේවායයි හර්දයාංගමව පතන්නෙමු.. මැතිනියනි, ඔබට ඒ අමා මහා නිර්වාණ සුවයම අත්වේවා...🙏🙏🙏
සිනා කෙලිලොල් තෙපුල් රහසේ
දෙඩූ තැන් අද ගොලුවෙලා
සොඳුරු පාසැල් පියස
කඳුලින් බොඳවෙලා
කැදැල්ලෙන් ඔබ වෙන්වෙලා
නිබඳ ඔබ මා ඇවිද ගිය තැන්
සෙවන දුන් ගහකොල පුරා
බිමට බරවුනු කැකුළු
අතු ඉති මැලැවිලා
දුකින් හදවත ගොලු වෙලා
දෙනෝ දාහක් නුවන් අතරේ
කවුරුදෝ මා..
තනි කලේ..
තනි කලේ..
පාසැල් බිමේ...
( ඒ තමයි මම ආසම එක 😭😭😭)
