Monday, June 25, 2018

පෙරේරලා තුන්දෙනෙක්.. 01








බ්ලොග් ලිවිල්ල පොඩ්ඩක් විතර අලවුනා හේතු කාරනා කීපයක් නිසා. පලවෙනි එක ගොඩයා දැන් උදෙන් ඇහැරිලා කලින් ගෙදර එන ප්ලෑන් එකක ජීවත් වෙන නිසා. වෙනද ගොඩයා දිව්වේ ඇහැරෙන වෙලාවක් වෙනකම් නිදාගෙන රෑ වෙලා ගෙදර එන ප්ලෑන් එකක. දැන් මේ උදෙන් ඇහැරෙන සීන් කෝන් එක නිසා ගොඩයා දවස තිස්සෙම ඉන්නේ ලාවට නිදිමතේ.. ඒ නිසා බ්ලොග් ලිවිල්ලට හෙන කම්මැලියි. ඊළඟ කාරනාව ගොඩයාගේ පාසල් මිත්‍රයෙක් වසර හයක පමණ දීර්ඝ ශ්‍රී ලංකා නිවාඩුවකින් අනතුරුව ගොඩයා ඉන්න රටට සැපත් වෙලා ඉන්න නිසා ගොඩයාට සිද්දවෙලා තියනවා පොඩි බේබි සිටින් පාරක් කරන්න. මොකද කියනවනම් ගොඩයාගේ පාසල් මිත්‍ර තැන ආයෙමත් ට්‍රයි කරන්නේ ලද විගහින් ලංකාවට වැකේෂන් යන්න නිසා ගොඩයා ඇතුළු මේ රටේ ඉන්න මිත්‍ර කැල උපරීම උත්සහයක් යොදනවා අපේ බුවාව යන්න නොදී තියාගන්න. කියන්න කනගාටුයි ගොඩයා රැකියාව කරන්නේ එළියේ නිසා පැය අටේම උනත් ගොඩයාට දුරකතනයේ රැඳී සිටීම ගැටළුවක් නෑ. ඒ නිසා, තාම ලද බොළඳ කිරි බොන වයසේ හෙවත්,  හතලිස් එකක් පෘතුවි අවුරුදු වලින් වයස් වෙන අපේ මිත්‍රයාගේ බේබි සිටින් පාර වැඩි හරියක් දුරකථනය හරහා කරන්න සිද්දවෙලා තියෙන්නේම ගොඩයට. ඉතින් ආලෝක වර්ෂ ගණනාවක් අනාගතයේ ඉන්න අපේ මිත්‍රයාගේ තුන්වෙනි මානයට අහුවෙන දැනුමෙන් දෙන ටෝක්ස් පැය තුන හතරක් අහගෙන හිටියාම ආයේ බ්ලොග් ලියන්න ඔලුවක් ගොඩයාට ඉතුරු වෙන්නේ නෑ ආයුබෝවන්ඩ. මොකද කියනවනම් ගොඩයාත් ඒ කතාබහ අහගෙන ඉන්න අතරේ රැකියාවත් කරලා අහවර වෙලා හවසට ගෙදර ඇවිත් වාහනෙන් බහින්නේ නිකං අල්ලපු චක්‍රාවාටයේ ඉඳන් ආව වගේ ඔලුව තෝන්තු වෙලා. ඉතින් කොහෙ බ්ලොග් ලිවිල්ලක්ද.. අතට අහුවෙන සැර ජාතියක් අමුවෙන්ම ගිලදාළ මොනාහරි තියෙන දෙයක් කාල කෙලින්ම දොයිය බබා තමා..

------------------------------------------------

පළවෙනියටම ලියන්න යන්නේ ධර්මදාස පෙරේරා කියන චරිතය ගැන වුනත් පලවෙනි කොටස අවසාන වෙන්නේ වෙනත් පෙරේරා කෙනෙකුගෙන්. ගොඩයාට ජීවිතේ හම්බෙච්ච විවිධාකාර චරිත ස්භාවයන් ඉසිලූ මිනිසුන් අතර සුවිසේශී වූ මනුස්සකම් තියන පෙරේරලා තුන්දෙනෙක් හම්බෙලා තියන නිසා ගොඩයා කල්පනා කරා ඒ කියන පෙරේරලා තුන්දෙනා ගැන පෝස්ටුවක් ලියන්න. 

ධර්මදාස පෙරේරා  කියන චරිත ගොඩයාට පලවෙනි වරට මුණගැහෙන්නේ  2005 අවුරුද්දේ මැයි මාසයේ දවසක . ඒ වෙන කිසිවක් නිසා නෙවෙයි ගොඩයාට අලුත් තනතුරක් එක්ක ස්ථානමාරුවීමක් එහෙමත් ලැබීලා පෙරේරා එවකට රාජකාරි කරපු සේවා ස්ථානයට අනුයුක්ත වෙච්චි නිසා. ඔය කියන සේවා ස්ථානය ගැන ඕනෑවටත් වඩා පෝස්ට් මේ බ්ලොග් කොටේ ඇතුලේ ලියවෙච්චි නිසා ඒ අරුම පුදුම නීති තිබ්බ සේවා ස්ථානය ගැන වැඩිය අටුවා ටීකා ලියන්න ගොඩයා උත්සහ කරන්නේ නැහැ. හැබැයි ගොඩයා ඔය කියන සේවා ස්ථානයෙ වැඩ භාරගන්න ප්‍රථමව එතෙක් රැකියාව කල දෙපාර්තමේන්තුවේ පරණ සේවකයින්ගෙන් ලැබුන එකම සහ අවසන් අවවාදයවුනේ පෙරේරා ඇතුළු කල්ලියෙන් ප්‍රවේසම් වෙලා රැකියාව කරගෙන පලයන් මචෝ කියලයි. ගොඩයා තැනකට පය ගහන්න කලින් වටපිටාව ගැන හොඳින් විපරම් කරලා බැලීම ගොඩයාගේ සිරිතක් නිසා ඒ හෝදිසියේ ප්‍රතිපලයක් විදිහට තමයි ඔය කියන දෙපාර්තමේන්තුවේ ඉන්නා කකුලෙන් අදින්නන්ගේ සහ බාල්දි පෙරලන්නන්ගේ නම් ලිස්ට් එක එකින් එක ගොඩයා ඉදිරියේ කියවෙන්නේ. කියන්නා කෙසේ කීවත් අසන්නා හොඳ සිහි බුද්ධියෙන් ඇසියයුතු නිසා කටින් කට එන ආරංචි වලින් කියවෙන මානුෂීය ගුණාංග ගොඩයා විශ්වාසයට ගන්නේ අඩමානයට උනත් වැඩි පරෙස්සම වෙනුවෙන් ඒ කියවෙන දෑ ඔලුවේ තබාගෙන සිටීම ගොඩයාගේ පුරුද්දක්. 

ඕන් ගොඩයා ඔය කියන තනතුර භාරගන්න ඔය කියන ආයතනයට ගියා කියමුකෝ. එතෙක් කාලයක් පුරාවට පරිපාලන නිලධාරීන් සෑහෙන ප්‍රමානයක් එක්ක ගොඩයා රැකියාව කරගෙන ගිහින් තිබ්බ නිසා ගොඩයා හිතන්නේ  එතෙක් ලැබිච්ච අත්දැකීම් වලට සාපේක්ෂව උනත්, අලුතෙන් ලැබීච්චි මහතැන එතෙක් කල් ඇසුරු කල මහතැන් වලට වඩා සෑහෙන වෙනස් කියමුකෝ. එම රැකියා ස්ථානයට යෑමට කලින් ගොඩයාගේ බොසා වූ පුද්ගලයා නිතර රූපවාහිනී තිරයේ ඇතුලේ වැඩසටහන් වලට සහභාගී වෙන සෑහෙන ප්‍රසිද්ධ සහ ජනප්‍රිය චරිතයක් කීවොත් තමයි නිවැරදි. හැබැයි මනුස්සකම සහ නිහතමානීකම අතින් ගත්තාම අංක එක. ඕනෑම වෙලාවක හිනාවෙලා ඉන්න සහ ඕනෑම වෙලාවක ඕනෑම රාජකාරියක් පහසුවෙන් ඉෂ්ට කරදෙන පුද්ගලයෙක් විදිහට ඒ බොසා පෙරාපු රත්තරන් මහත්මාවරයෙක්. ඒත් යකඩෝ අලුතෙන් ලැබුණු බොසා ඉන්නවා නේද.. පළමු බැල්මෙන්ම වැඩේ අඥ්ඥකොරොස්. මේ ලෝකේ ජීවත් වෙන තිරිසන් සත්තුයි  මනුස්සයෝයි ගත්තාම දෙයියෝ සත්තුන්ට ෆුල් ඔප්ෂන් නොදී මිනිස්සුන්ට විතරක් ෆුල් ඔප්ෂන් දීපු එකේ සිනහසීමට ඇති හැකියාව නමැති ඔප්ෂන් එක තියෙන්නේ මනුස්සයින්ට විතරක් උනාට සමහර මිනිස්සු ඒ ඔප්ෂන් එක භාවිතයට ගන්නෙම නැති තරම්. ගොඩයාගේ අලුත් ලොක්කත් අන්න ඒ වගේමයි. මලාට මුනේ හිනාවක් නෑ කියහන්කෝ. 

ඔන්න ගොඩයා යනවා සැලුන් දොර ඇරගෙන ඇතුලට. ඒ ගිහින් දෙනවා අලුත් තනතුරේ පත්වීම් ලිපිය. ඔන්න ඊගාවට තමයි ලොක්කා ලිපිය දිහාත් ගොඩයා දිහාත් උපැස් යුවලට යටින් මාරුවෙන් මාරුවට බැල්මක් දාලා මේසය උඩ තියන සීනුව නාද කරන්නේ. ඉතින් හත් ඉලව්වේ අලුතෙන් නිලධාරියෙක් රැකියාව භාරගන්න ආවාම ආසනයක් පනවලා වෙල්කම් ඔන් බෝර්ඩ් මචං කියලා පලවෙනි ප්‍රතිචාරය ඉතාමත් සුභවාදීව දුන්නහම කටේ දත් හැලෙනවද, ඉහේ කේස් පැහෙනවද.. ඒත් ඉතින් පළමු ප්‍රතිචාරය බොහොම කුජීතයි. ඔන්න ඒ අතරේ තමයි අර කලින් නාදකරපු සීනුවට ප්‍රතිචාර වශයෙන් දාබරේ සැලුන් දොරෙන් ඇතුලට එන්නේ. ඕන් එතැන් පටන් තමයි ගොඩයාට වැටහෙන්නේ තමුන් පයතිබ්බේ ප්ලැනට් අර්ත් එකේ කුජීතම ග්‍රහචාරයක් කැරකෙන පජාති සේවා ස්ථානයකටය කියන එක. එතැන් පටන් ලොක්කගේ අවවාදය මෙන්න මෙහෙමයි..

මේ ඉන්නේ මිස්ටර් දාබරේ.. ඔයා දැනට වැඩකරන්නේ මෙයා යටතේ.. මිස්ටර් දාබරේ රිටායි වෙනවා තව මාස තුනකින්.. ඊට පස්සේ ඔයා දාබරේ මෙච්චරකල් කරපු වැඩ කොටස තනියම කරගෙන යන්න ඕන.. එහෙම නේද මිස්ටර් දාබරේ..

ඔව් සර්..

මිස්ටර් දාබරේ එහෙනම් මෙයාට මේසයක් ලෑස්ති කරල දෙන්නකෝ..

හරි සර්.. 

සර් මේ..... මේ.....

හ්ම් කියන්න මිස්ටර් දාබරේ...

 සර් මෙයාට පොඩ්ඩක් කිව්වනම් හරි මෙතන කට්ටිය ගැන.. මෙයා මුකුත් දන්නේ නැහැනේ මෙතන කට්ටිය ගැන..

ආ ඔව්.. මේකේ ඉන්න සමහර කට්ටිය ටිකක් වෙනස්.. එයාල එක්ක වැඩි ආශ්‍රයට නොයනවානම් තමයි හොඳ.. විශේෂයෙන් ධර්මදාස පෙරේරා , xxx xxxx, xxxx,  ..........( හයක් හතක විතර පුද්ගල කණ්ඩායමක් කියමුකෝ). මිස්ටර් දාබරේ ඉන්න විදිහට රාජකාරිය කරගෙන ගොයොත් කිසිම ප්‍රශ්නයක් නැතුව ඔයාට මෙතන සෑහෙන කාලයක් ඉන්න පුළුවන් වෙයි.. හරි එහෙනම් ගිහින් වැඩ පටන් ගන්නකො.. ඔයාට දාබරේ ඇරුනාම විශ්වාසවන්ත කෙනෙක් ඉන්නවනම් මෙතන ඉන්න අනික් කෙනා ප්‍රියන්ත පෙරේරා තමයි.. එයා ප්‍රශ්නයක් නෑ..

ඔන්න ගොඩයා ලොක්කගේ සැලුන් දොර ඇරගෙන දාබරෙවත් ඉස්සර කරගෙන ලොක්කාගේ රාජකාරි කුටියෙන් එලියට එනවා. ඊළඟට දාබරේගේ අවවාද අනුශාසනා..  වැඩිහරියක් ඉතින් තහනම් නියෝග තමා. අරයා එක්ක කතා කරන්න එපාය, මෙයා වැඩිය කරට ගන්නට එපාය, අහවලාගෙන් පරෙස්සම් වෙලා ඉන්නය වගේ කතාන්දර බොහෝමයි. ලිස්ට් එකේ ඉහලින්ම මුලින්ම කියවෙන්නේ දර්මදාස පෙරේරාගේ නම. ඔන්න ඉතින් අලුත් රස්සාවේ පලවෙනි පැය භාගෙන්ම ගොඩයාට රස්සාව ගැන දැනෙන හැඟීම සෑහෙන සෝචනීයයි. ඒවගේම කලින් හිටපු බ්‍රාන්ච් එකේ සහෝදර සේවිකාවක් වෙච්චි ජානකී පෙරේරා එක්ක ඒ වෙද්දී ගොඩයාට පට්ට කේන්තියි. මොකද කියනවනම් ඔය කියන ජානකී පෙරේරා තමයි ගොඩයා ඒ හෝම්පලේ වැඩ භාරගන්න යන තැනට වැඩ සැලැස්සුවේ.

ජානකී පෙරේරා ගොඩයාට මුලින්ම හමුවෙන්නේ දෙදාහ අවුරුද්දේ මාර්තු මාසේ දවසක. ඒ ගොඩයා අලුත් රැකියාවකට සෙට් වෙලා ජානකී පෙරේරා රැකියාව කල ආයතනයට අනුයුක්ත වෙන නිසා. ජානකි සහ ජානකිගේ හස්බන්ඩා ගත්තාම බොහොම කලාතුරකින් ඇසුරට ලැබෙන මිනිස්සු. ජානකීගේ හස්බන්ඩා ලංකාවේ සුප්‍රසිද්ධ සමාගමක ඉහල විධායක නිලධාරියෙක්. ඔය ඩබල දරුමල්ලන් සමග ගොඩයාගේ ගෙදරත් ඇවිත් තියෙනවත් එක්ක එක වතාවක් වගේ. ජානකී ගොඩයාට වඩා අවුරුදු දහයක් හෝ ඊට වැඩි ප්‍රමාණයක් වැඩිමහල් චරිතයක් නිසා දැන් වෙද්දී ජානකී සෑහෙන්න වයසට ගිහින් ඇති යකඩෝ කියල ඔන්න නිකමට දැන් ගොඩයාට මතක් උනා. ඔරිෆ්ලේම්ද, ජැනට්ද අරවද මෙව්වද ඔක්කොම ජාති මූණත්තහඩුවේ උලාගෙන වයසට වඩා දහයක් විස්සක් අඩුවෙන් පෙන්නගන්න පට්ට ගේමක් දීපු ගෑනු පරානවල චැසිය සහ බොඩිය කොයි අවුරුද්දේ නිෂ්පාදනය කරපු එව්වද කියලා ගොඩයා එවකට දැනගෙන හිටියා මොකද කියනවනම් කට්ටියගෙම පුද්ගලික ලිපිගොනුවල දත්ත රාජකාරියේ කොටසක් විදිහට ගොඩයා ගාව තිබ්බ නිසා. ඒ වගේම ඔය තියන මොඩර්න් නම් ගම් ඉස්සරහින් තියන ඉංගිරිස් අකුරු වලින් කියවෙන වාසගම් ඇරුනාම එක දහස් නවසිය බර ගණන්වල දාපු  මුල් නම්ගම්ද ගොඩයා අකුරක් නෑර දැනගෙන හිටියා. හැබැයි පුතෝ මොනම හේතුවක් නිසාවත් ඒසා පුද්ගලික දේවල් ගොඩයා  කන පැලෙන්න බීපු වෙලාවකවත් එලියට නම් දුන්නේ නෑ, ඇයි යකඩෝ විස්සේ තිහේ කෑලි වගේ හැසිරෙන පට්ට නාකි ගෑනු පරානවල නියම වයස හෙළි කරොත් අනිවා ගොඩයාට ගෑනු රොත්තකගෙන් ආතල් පහට  ගුටි පූජාවක් අනිවා. ජානකී ඒ වෙද්දී වයස තිහ තිස්පහ අතර ඉන්න ඇති ගොඩයාගේ මතකේ හැටියට. ඒ වගේම ගොඩයා අමාරිස් උන්නැහේ එක්ක කොකු පටලෝගන්න හැම අවස්ථාවකම ජානකී ගොඩයාව කූල් කරලා කනෙන් අල්ලා ගොඩයාගේ මේසයේ වාඩිකරෙව්වේ නැත්තම් මේ වෙද්දී මල් චීත්ත අඳින අමාරිස් ලොක්කා වලේ ගොඩයා වැලිකඩ හිරේ වෙන්නත් ඉඩ තිබ්බ. ඒ කියන්නේ ජානකී කියන්නේ ගොඩයාට ඒ කාලේ වැඩිහිටි සහෝදරියක් වගේ චරිතයක්. අමාරිස්ගේ දිහාවේ හිටං ගොඩයා දිහාවට ලෙඩක් මග එද්දී ජානකී හීන් සීරුවේ ගොඩයාට පෙර අනතුරු ඇඟවීම් කරපු අවස්ථා ඕනෑතරම් තිබ්බත් ජානකී සහ පරිපාලනය අතර තිබ්බ රහසිගත භාවය කවදාවත් හිතවත්කම්  උඩ එලියට දීලා ජානකී තමුන්ගේ රාජකාරියේ විශ්වාසනීය භාවය කඩකලේ නැහැ.. ඒත් ඉතින් තමුනුත් බේරිලා අපිවත් බේරපු චරිතයක් කිව්වොත් තමයි නිවැරදි. ඔන්න ඔය කාලේ තමයි අලුත් තනතුරක් වෙනුවෙන් අයදුම් පත්‍ර කැඳවෙන්න රජය තීරණය කරන්නේ. ගොඩයා ඔන්න ඔහේ නිකමට වගේ අයදුම් පත්‍රයක් දාන්නේ ඒකෙන් වෙනත් වාසියක් ලැබීමේ පරමාර්ථයෙන් . ඒ  වගේම නිතර දෙවේලේ ඔලුව තියෙන්නේ බිස්නස් කෙරුවාව ගැන නිසා අලුත් තනතුරක් අරගෙන රැකියාව ඇඩ්වාන්ස් කරගෙන  රස්සාවක් එක්ක හිරවෙන්න ගොඩයාට තුන් හිතකවත් අදහසක් තිබ්බේ නැහැ. ඔන්න ඔය අතරේ ඔය කියන විභාගය පැවැත්වෙන දිනයත් ලංවුනා කියමුකෝ. දැන් ගොඩයාගේ කල්පනාව විභාගය පිටින් දාගෙන රාජකාරි නිවාඩු භාගය අරගෙන ගෙදර මාරුවෙලා අයදුම් පත්‍රය දාපු පළමු සහ අවසන් අරමුණ ඉෂ්ඨ සිද්දි කරගන්න. මොකද කියනවනම් නිවාඩු කියන්නේ කළුනික තරම් හිඟ එව්වා නිසා ඒ වගේ චාන්ස් එකක් ගොඩයා මලාට අතපසු කරන්නේ නෑ. වැඩිය ඕනෑ නෑ හාර පන්සීයක් ඉන්න සේවක මණ්ඩලේ අතරේ කොහේ හෝ මළගෙයක් තිබේනම් ඒ මළගෙදර යන නම් ලිස්ට් එකේ ගොඩයාගේ නම අනිවාර්යෙන්ම තිබ්බ. ඒ වගේ වැඩ වලට ගොඩයාට මලගිය ඥාතියා කාගේ කව්ද කියන එක අදාලම නෑ. හේතුව කියනවනම් ඔය මලගෙවල්වල යාම වෙනුවෙන් රාජකාරි නිවාඩු ලැබෙනවනේ හත් ඉලව්වේ. ඉතිං යකඩෝ මළගෙදර යන්න දෙන ඔෆිස් බස් එකේම නැගල ගිහින් මරදානට පිටකොටුවට ආසන්නම හෝල්ට් එකෙන් බැහැල ගෙදර මාරු උනා කියලා මැරිච්ච එකා තරහ වෙනවා කියලයැ.


ඔන්න ඔය විදිහට අලුත් තනතුරේ ලිඛිත පරීක්ෂණය තියන වෙලාව ලං වෙදිදි ගොඩයා ගාලු කුමාරියේ ගෙදර පනින්න ප්ලෑන් එක ඇඳලා අහවරයි. ගොඩයා කොතන පැන්නත් මං රාජකාරි වෙලාවේ ඉන්නේ අහවල් තැන කියල මොකාට හරි විශ්වාසවන්තම එකෙකුට කියල යන එක ගොඩයාගේ සිරිතක්. හැබැයි ගොඩයා කවදාවත් රාජකාරිය පැහැර හරියේ නැහැ. කාල කළමනාකරණය කරගෙන රාජකාරියත් තමුන්ගේ වැඩත් දෙකම සියයට සියයක් සාර්ථකව ඉෂ්ඨ සිද්ධ කරගත්ත කියමුකෝ. ඔන්න ඔය හින්ද තමයි ගොඩයා ජානකී කියන පුද්ගල චරිතය වෙත හෙමිහිට කියල දාන්නේ ලිඛිත පරීක්ෂණය පැත්ත පලාතක යන්නේ නැත දෙයියෝ මං ගෙදර මාරු වෙනවා කියන කාරණය. අන්න එතකොට තමයි ජානකී ගොඩයාට ගේම ඉල්ලන්නේ..

අනේ ගොනෝ.. බූරුවෙක් නොවී කන පලාගන්නේ නැතුව ඔය පේපර් එක ලියල යන දේවාලේක පල..

පිශ්ශුද මචෝ.. මට ඔය මගුල් වැඩකට නෑ.. ඒ වගේද බන්ස් පැය දෙක තුනක් කලින් ගෙදර ගිහින් තමුන්ගේ ව්‍යාපාරයක් කරගන්න එක..

හරි උඹ පලයන්කෝ එහෙනම්.. අනිවාර්යෙන් මං උඹට ලෙඩේ අදිනවා..

පිස්සුද බං.. ඔව්ව කරලා කාටද බන් හරි ගියේ..

හරි යන හරි නොයන එක වෙනම දෙයක් ගොනෝ.. අමාරිසා උඹ දිහා ඇහැ ගහගෙන ඉන්නේ ලෙඩක් දාන්න.. ඒ නිසා ඕක ලිව්වේ නැති උනත් එතනට ගිහින් අඩුම තරමේ පැය භාගයක්වත් ඉඳලා පලයන් යන දේවාලෙක.. 

ඒ අදහසත් නරකම නෑ.. හරි එහෙනම් මොකක් හරි ලෙඩ කට්ටක් වැටෙන්න වගේ එනවනම් මං උදේ ගොනා වගේ වැඩට එන්න කලින් ගෙදරට කෝල් එකක් දියන් හරිද..

ඉස්සෙල්ල උඹ ගිහින් එග්සෑම් එක ලියහන්කෝ..

ඔන්න එහෙනං අපි ගියා..

ගුඩ් ලක්..

අනේ පල යන්න .. ගාලු කුමාරිය මිස් උනොත් ගුඩ් ලක් එකෙන් වැඩක් වෙන්නේ නෑ..


ඔන්න ඔය විදිහට තමා ගොඩයා අදාළ විභාගය පැවැත්වෙන ස්ථානය සොයාගෙන මන්ගච්චන්නේ.. මොකා කිව්වත් සිහිබුද්ධියෙන් ඇහුම්කන් දීලා ගන්න ඕන ටික ඔලුවට ගන්න පුරුද්ද නිසා ගොඩයා ජානකී දීපු අවවාදය අහකම නොදා විභාග ශාලාවට වෙලා පැයක් නින්දක් දාන්න හිත හදාගන්නවා. 

විභාග ශාලාවට ගියා කියමුකෝ.. ඒ විභාග ශාලාවේ ඒ වෙද්දීත් පට්ට සෙනගක් පෝලිමේ.. ඕන් ගොඩයත් සෙනග අස්සෙන් අමාරුවෙන් ඇදිල ගිහින් අදාළ අංකය තියන ඩෙස්කුව ළඟ තිබ්බ පුටුවෙන් වාඩි වෙනව.. ඔන්න ඊළඟට විභාගය ආරම්භ වෙන්න සීනුවකුත් වදිනවා . ඊට සමගාමීව ඉංගිරිසියෙන් මුද්‍රණය කරපු ප්‍රශ්න පත්‍රයක් ගොඩයා වෙත හිමි වෙනවා කියහන්කෝ . අතට අහුවෙන ඕනෑම කොලයක් කියවන්න පුළුවන් තත්වෙක සහ කියවන්න පුළුවන් භාෂාවකින් තියෙනවනම් කියවා බැලීමේ පුරුද්ද නිසාත් , ගාලු කුමාරියට පැය දෙකකට වඩා කාල වෙලාවක් තිබ්බ නිසාත්, නිදාගන්න නිදිමතක් නැති නිසාත්, කෝච්චියේ ආතල් පහට යන නින්ද වෙනුවෙන් නිදිමත සේව් කරගතයුතු නිසාත් ගොඩයා ඕනාවට එපාවට ප්‍රශ්න පත්‍රයට උත්තර ලියාගෙන යන්න තීරණය කරනවා අතින් පයින් මුකුත් වියදම් වෙන්නේ නැති නිසා. වැඩේ විනාඩි හතලිස් පහෙන් වගේ අහවරයි කියමුකෝ .   

උත්තර ලියලා ප්‍රශ්නපත්තරය විභාග ශාලාධිපතිට භාරදෙද්දී ඒ උත්තමයා ගොඩයා දිහා දාපු බැල්ම ඉතින් කියන්න ලියන්න විලි ලැජ්ජයි.  ඒ මොකද කියනවනම් උත්තර ලියන්න ලෝභ නැතුව පැය තුනක්  දීලා තියන ප්‍රශ්න පත්තරේ විනාඩි හතලිස් පහෙන් ලියල දෙනකොට ඒ විභාග අපේක්ෂකයාගේ දැනුමේ පරිමාව ගැන ප්‍රී ජජ්මන්ටල් එකකට එන්න ඔය විභාග සම්භන්ධ වැඩ රාජකාරි කරන ගුරු භවතුන් හෙන දක්ෂයිනේ. උන්දැ ගොඩයා දිහා බලන්නේ හරියට උන්දැගේ අඹේනියගේ ප්‍රශ්න පත්තරේ ගොඩයා බලෙන් අරං ලිව්ව ගානට. විභාගය අවසන් වෙන්න පැය දෙකකටත් වඩා වැඩි  කාලයක් තියෙද්දී ගොඩයා මරදාන දුම්රියපොළ පැත්තට යන බස් කොටේක එල්ලෙන්නේ යන්තම් ඒ මරාලෙන් ගැලවුනා දෙයියෝ කියල හිත හදාගෙන.

ටික කාලයක් ඔහොම ගතවෙද්දී ඔය ලිව්ව විභාගෙ ප්‍රතිපල එනවා කියමුකෝ . කොහේදෝ තියන කරුමෙකට ගොඩයාට දෙවැනි තැනට ලකුණු කියහන්කෝ. අන්න ඒ කරුමෙට ප්‍රතිපල විදිහට තමයි ජානකී ප්‍රමුඛ කාන්තා සෙට් එක ආයෙමත් ගොඩයාව අමා............රුවෙන් තල්ලු කරලා සම්මුඛ පරීක්ෂණයට යැවෙන්නේ. එදත් ඉතින් ගොඩයාගේ ට්‍රයි එක කලින් ගෙදර පනින්න තමා. සමහරවිට ජානකී ඇතුළු සහෝදර සේවිකාවන් හුඟ දෙනෙකුට තියෙන්න ඇත්තේ අමාරිස් වලපල්ලට යාමේ සහ ගොඩයා හිරේ යාමේ අවදානමෙන් මුදවන්න උවමනාව වෙන්ටෑ. අන්න ඒ මල වදේට ප්‍රතිපලයක් විදිහට තමයි ගොඩයා අර කලින් කිව්ව "හිනා" ඔප්ෂන් එක මැල්ෆන්ක්ශන් වෙච්ච  සහ සත්තුන්ට නොදී මිනිස්සුන්ට විතරක් දෙයියෝ දීපු ඔප්ෂන් වලින් භාගෙට භාගයක් වැඩ කරන්නේ නැති ඒ අසහාය ලොක්කා යටතේ වැඩ භාරගන්නේ.  ඉතින් එතැන් පටන් එලව එලවා පලදෙන්න පටනගත්තු හෙනහුරු එරාෂ්ඨකේ අවුරුදු පහක් ගොඩයාට පල දෙන්නේ ඔන්න ඔය කිව්වා ජානකී පෙරේරාට පින්සිද්ද වෙන්න තමා. කබලෙන් ලිපට වැටුනා උනත්  ඉඳලා හිටලා දුරකථනය හරහා ගොඩයාට කෝචෝක් පාරක් දාන්න ජානකී පෙරේරා අමතක කරෙත් නෑ. ඉතින් ඒ වගේ වෙලාවට ජානකී පෙරේරාට දුරකථනය හරහාම  පින් පෙත් දෙන්න ගොඩයා අමතක කලෙත් නෑ. දන්නවනේ ඉතින් දකුණේ එවුන් පින්දෙනකොට ආයේ ලෝස් නෑ සුද්ද සිංහලෙන් තමයි.. ඇයි යකඩෝ යසට කරගෙන හිටපු රස්සාවෙන් ඉහල තනතුරකට සහ වැඩි වැටුපකට තල්ලු කරා උනාට ගොඩයා ඒ වෙද්දී හිටියේ මහදැනමුත්තයි කේලම් කියන ගෝලයෝ රොත්තයි එක්ක හෙන ටොම් ඇන්ඩ් ජෙරී ගේමක් ගහගෙන. ඒත් ඉතින් වෙච්චි දේට එන්න සෙයියදු කියන්නහේ ගොඩයා එළියෙන් හෙන ගැම්මක් පෙන්නගෙන ගේම ඉල්ලගෙන හිටියට ඇතුලෙන් නම් හිටියේ මකුළුදැල වැඩ කරන්නේ නැතුව ගිය ස්පයිඩර් මෑන් ගානට වැටිලා.

හැබයි ඒ ජානකී පෙරේරා නැත්තම් අද වෙද්දී ගොඩයා මෙතන නෑ කියන එක අනිවාර්ය සත්‍යයක්... එහෙව් මිත්‍රයින්ට රෙස්පෙක්ට් කලයුතු නැද්ද හා... වැඩේ කියන්නේ අවුරුදු අටකින් වගේ ගොඩයා ජානකී පෙරේරාට කෝල් එකක්වත් දීල නෑ..  ගොඩයා හෙන ගුණමකුයි කියල හිතෙන්නේ නැද්ද හා  ???? 

ඊළඟ පෙරේරා ඊළඟ කොටසින්..



35 comments:

  1. ඊලග පෙරේරා ගැන දැනගන්න වෙන්නෙ නං ඉතිං ලබන ආත්මෙ කියන එක ශුවර්...බේබි සිටින් වලට කීයක් විතර අය කරනවද දන්නැ නේහ්....

    ReplyDelete
    Replies
    1. ඊළඟ කොටස ගැන කොහොම විශ්වාස කරන්නද ඉහලට ගත හුස්ම පහලට දාද්දි අහිමිවෙන්න පුළුවන් අනිත්‍ය ජීවිතයක් අරං යන ගමනක. ඒ නිසා ඇත්තටම ඊළඟ ආත්මේ වෙන්නත් පුළුවන්. ඒත් ඉතින් මේ සසර බොහොම භයානක නිසා ඊළඟ ආත්මය කොයි ලොව ඉපදෙයිද කියල කොහොමෙයි අපි දන්නේ නේහ්.. ඒ නිසා වැඩි විශ්වාසයක් තියාගෙන ඉන්න එපා..

      බේබි සිටින වලට කෝටේෂන් එකක් දෙන්න තිබ්බ හරියටම උප්පැන්නේ තියන ගැහැණු පිරිමි භාවය සහ වයස සඳහන් කරානම්. ඔන්ලයින් ID වල තියෙන නම් ගම් වලට පසුපසින් ඉන්නේ කව්ද කියල කව්දෑ ඉතින් දන්නේ..

      Delete
  2. Ammo Athi Yanthan Ekak Dala .Thanks

    ReplyDelete
    Replies
    1. ස්තුතියි චරිත්

      Delete
  3. Replies
    1. ඔයාටත් ඒ ගමන ලෙඩේ හැදිලද.. පෙසන්නයා උරණ වෙයි හරිද..

      Delete
  4. බාගෙට කියවල ආව මුලින්ම කොමොන්ටුවක් කොටල යන්න.කොහෙද ඉතින් අපි වලක් හෑරුවොත් ගෙම්බෙක්ම තමා....

    ReplyDelete
    Replies
    1. කණගාටුයි ඊළඟ පෝස්ට් එකට වත් මුලින්ම කමෙන්ට් එක දාන්න ට්රයි කරන්න චමිලයියේ.. කියවීමේ වේගය වැඩි දියුණු කරගන්න.. ඔබට සුභ පැතුම්..!!!

      Delete
    2. ගෙම්බෙක් කිව්වට ගෙම්බෙක්ම නෙවෙයි බන් ගෙම්බියක්..

      Delete
  5. උඹ විනාඩි 45 න් පේපරේ ලියල දෙවෙනිය උන එකේ පැය තුනම අරගෙන උත්තර ලිවුවනං ඔතන බොස් වෙන්නම තිබුණ. හැක්..

    දැන් අනික් පෙරේර ගැන ලියන්නෙ ලබන අවුරුද්දෙ ද?

    ReplyDelete
    Replies
    1. උපන්දා ඉඳලම මගේ පේපර් ලිවිල්ල ඔය හා සමානයි බං.. එක පාරයි ආයේ ඇහිලි බැලිලි නැවත කියවා වැරදි හැදිලි නෑ.. ගත්තා, ලිව්වා, දුන්නා, මාරුවුනා.. විභාග පාස් කරලා විෂයෙහි දක්ෂයෙක් වෙන්න පුළුවන් කියල එදත් අදත් මම විශ්වාස කරන්නේ නෑ .. අපේ අධ්‍යාපන ක්‍රමයේ වැඩි හරියක් තියෙන්නේ මතකය පරීක්ෂා කිරිල්ලක් විතරයි.. අධ්‍යාපනය හරි තැනින් අල්ලගත්තු කෙනා කියන්නේ උගත් දේ තමුන්ගේ ජීවිතයට සහ තමුන් ජීවත් වෙන පරිසරයට ඇප්ලයි කරගත්තු පුද්ගලයින්ටයි. ඒත් රටේ අවාසනාවට එහෙම මිනිස්සු ඉනේ බොහොම සුලුතරයයි.. ඉතුරු බහුතරය විභාග වලින් ඉහලින් සමත් උනාට ජීවිතය ඇතුලේ කරන කියන හැසිරෙන දේවල් වලින් ඉන්නේ බොහොම බිම් මට්ටමේ..

      ඊළඟ පෙරේරා ගැන ඉක්මනින්ම ලියනවා.. හිටු ඉවසිල්ලෙ..

      Delete
  6. පේපර් එක බලපු එකාත් උඹ වගේම ගෙදර යන්න හදිස්සිකාරයෙක් වෙන්න ඇති. ඒකා පලවෙනි තැන දෙන්න ඇත්තේ පැය බාගෙන් පේපර් එක ලියපු එකෙකුට වෙන්න ඇති

    ReplyDelete
    Replies
    1. නෑ.. එතන තිබ්බේ වෙන කතාවක්.. අදාළ රැකියාවට පහල තනතුරේ හිටපු උදවිය හුඟක් හිටිය ඔය විභාගෙට. මොකද ඒක එයාලගේ ඊළඟ ප්‍රමෝෂන් එක. පළපුරුද්ද අතින් එයාල අපිට වඩා හුඟක් ඉදිරියෙන්. හැබැයි ප්‍රශ්න පත්තර හදල තිබ්බේ ඉංග්‍රීසියෙන්. ඉතින් ප්‍රශ්නේ කියවගෙන තේරුම් අරගන්න පුළුවන් මට්ටමේ ඉංග්‍රීසි දැනුම තිබ්බ උදවිය අර කට්ටියට වඩා ඉහල ලකුණු ප්‍රමාණයක් ගත්ත. ඔය ප්‍රශ්න පත්තර ඉංග්‍රීසියෙන් හදපු එක ගැන එයාල පස්සේ පොඩි ඔබ්ජෙක්ෂන් එකක් දැම්ම යුනියන් මට්ටමෙන්. ඒත් ආයතනයෙන් නිෂ්ප්‍රභා කරා මොකද ඒ ජොබ් එකට ඉංග්‍රීසි දැනුම තිබිය යුතුමයි. ඉන්ටව් එකේදිත් ඒ වෙද්දී මට තිබ්බ ටෙක්නිකල් එක්ස්පීරියන්ස් + ෆොරින් ට්‍රේනින් නිසා මාව වන් ෂොට් සිලෙක්ට් උනා. කරුමේ තමා බං.

      එහෙම නැත්තම් කලින් හිටපු ජොබ් එකේ කොල්ලෙකුට හිටියේ මං විතරයි කියහන්කෝ.. ඒ වෙද්දීත් නයිටා ට්‍රේනීස් ගෑල්ලමයි කීයක් නම් මගේ හෙල්ප් එකට ලැබිල තිබ්බද.. අනංගයා වගේ ඉන්න තිබ්බ චෑන්ස් එක නැතිවුනා.. ඒ වෙද්දී වයස විසි හතරක් වෙච්චි මම ග්‍රහලෝකෙක තනි වුනා වගේ වැඩක් උනේ බං අලුත් ජොබ නිසා ..

      Delete
  7. Bloga mathak wela. thanku weewaa.sinhalen koment kotanna beruwaa.akuru dekak kotala keeli amunana kota medata bolayak evith okkoma kujeetha karalaa dhanawa.(fb ekedhi meeka wenne ne.hethuwa.kiwahekida?)

    ReplyDelete
    Replies
    1. බ්ලෝග ටික දවසක් කැලේට අත්හැරිය.. ඔය සිංහල අකුරු එහෙ මෙහේ පනින එව්වා හදන්න ඉතින් අටමා වගේ බ්ලොග් specialist කෙනෙක් අල්ලගන්න ඕන. කෝකටත් බ්‍රවුසර් එක රීඉන්ස්ටෝල් කරලා බලන්න..

      Delete
  8. මෙහෙත් ඉන්නවා ඔය වගේ ගෙදර යන්න ඕන කිය කිය ඉන්න කෙනෙක්. එයාටත් හිටපු ගමන් බේබි සිටින් කරනවා සහ මනුස්සයා එක්ක කතා කලාම අපට ඩිප්‍රෙශන් වගේ.

    ෂෙඩූල් එක උදේ වරුවට මාරු උනේ ඔබගේ කැමැත්තෙන්ද? රැකියා ස්ථානයේ අවශ්‍යතා නිසාද? මාත් දවල් වෙලා නැගිටින්නේ. ටිකක් වෙනස් වෙන්න විදියක් හොයනවා.

    ඉතුරු ටිකත් ඉක්මනට ලියන්න ලැබේවා!

    ReplyDelete
    Replies
    1. නාකි බබ්බු නැළවිල්ල හරි අමාරුයි අප්පා.. අපිටත් ඩිප්‍රෙශන් වගේ තමයි පයක් දෙකක් ටෙලිෆෝන් එකේ කතා කරාම. මොනා කරන්නද ඉතින් වැලි කෙලියේ යාළුවො අතෑරලා බෑ..

      මම ජොබ් එක මාරු කරා.. අලුත් රැකියා ස්ථානයේ 8 වෙද්දී ඉන්න ඕන.. 8 ට ඔෆිස් එකෙන් තමයි ඩියුටි ඔන් වෙන්නේ. ඊට පස්සේ ඉතින් දිගටම එළියේ. හවසට ලාස්ට් ජොබ් ලොකේෂන් එකෙන් ඕෆ්ෆ් වෙන්න පුළුවනි. කලින් ජොබ් එකේ ජොබ් ලොකේෂන් එකෙන් තමයි ඩියුටි ඔන් උනේ. හුඟක් කස්ටමර් ලොකේෂන් අරින්නේ උදේ 8.30 න් පස්සේ නිසා කීයට වැඩට ගියත් ප්‍රශ්නයක් නැහැ දවසට පැය 8 කවර් වෙන්නයි ඕන. එකේ අවාසිය තමයි රෑ දෙගොඩ හරිය වෙනකම් කොම්පීතරේ දිහා බලන් ඉඳලා පස්ස පැත්තට අව්ව වැටෙනකල් නිදියාම. දැන් එහෙම නෑ.. උදේ 7 වෙද්දී ගෙදරින් මාරු .. ඒ වගේම 4.30 වෙද්දී ගෙදර.. අලුත් විදිහ හොඳයි.. දවල් වෙලා වැඩට ගියාම දවසම මුස්පෙන්තුයි.. දැන් ෆ්‍රෙෂ් පිට වැඩට ගිහින් ෆ්‍රෙෂ් පිට ගෙදර එනවා. තාම ටිකක් වැඩේ නුහුරුයි අවුරුදු දහ තුනක් පස්ස පැත්තට අවුව වැටෙනකල් නිදියන්න සහ යක්කු ගස් යන වෙලාව වෙනකල් ඇහැඅරං ඉන්න පුරුදු වෙලා නිසා.

      Delete
    2. ඒක නම් ඇත්ත. දවල් වෙලා නැගිට්ටම දවසම මුස්පේත්තුයි. බොහොම ස්තුතියි පිළිතුරට.

      සුභ පතනවා අලුත් ජොබ් එකට.

      Delete
  9. කැපිලි කෙටිලි වැඩ ලංකාවෙ උන් ගේ ජානවල තියෙන දෙයක් වෙන්නැති. සමහරැ වේලාව ඉවරවෙනකම් ලිව්වත් විභාගේ ෆෙල්.

    ReplyDelete
    Replies
    1. මුට්ටිය අල්ලලා උඩට යන ජාන තියෙන එකෙකුට කේලම් අහන මොට්ට මෝල් ජාන තියන ලොක්කෙක් සෙට් උනා කියන්නේ ඉතින් ඒ ආයතනය මාසෙන් දෙකන් විනාසයි අසංග..

      Delete
  10. ජීවිතය වෙනස් කරපු පෙරේරලා තුන්දෙනෙක් වගේ
    විචාරක දියණිය

    ReplyDelete
    Replies
    1. දෙන්නෙක් ජීවිතේ වෙනස් කරපු පෙරේරලා දෙන්නෙක්.. තුන්වෙනි පෙරේරා වෙච්ච ධර්මදාස පෙරේරා තාත්ත කෙනෙක් වගේ ලඟින් හිටපු කෙනෙක්.

      Delete
  11. පව්නේ බං කෝල් එකක් දියං

    ReplyDelete
    Replies
    1. කෝල් එකක් දෙන්න නම් ඕන තමයි බන්.. නම්බර් එක හොයාගන්න පරණ ෆෝන් බුක් එකක් අවුස්සන්න වෙනවා අන්තර්ජාලයේ ගබඩා කරපු..ඒක තමා අමාරුම වැඩේ..

      Delete
  12. ආහ්...මතක් වෙලා නේ..ඉතිරි කොටස දාන කොට අපි ජිවිතුන් අතර ඉදිද මන් ද ?

    ReplyDelete
    Replies
    1. එව්වා කියන්න බෑ බන්.. ඊළඟ නිමේෂය බොහොම අනියතයි.. එහෙමයි බුදුරජානන් වහන්සේ දේශනා කරලා තියෙන්නේ.. හිස ගිනිගත්තෙකු සේ මේ සසර ගිනි නිවන්නයි හැම තත්පරේම උත්සහ කල යුත්තේ..

      Delete
  13. ඇති යන්තම් ... කොච්චර කාලෙකෙන්ද ?

    තමන්ගේ ජිවිතේ වෙනස් කරපු මිනිස්සු දිහා උපේක්ෂාවෙන් බලන එකයි , තමන්ගේ ජිවිතේ තිබ්බ තැනට වඩා යහපත්ව වෙනස් කරපු මිනිස්සු වෙනුවෙන් හිත තුල ඉඩක් වෙන් කරවන එක තරම් ඒ මිනිස්සුන්ට දෙන්න පුළුවන් වෙනත් ගරු භුහුමනක් නෑ .

    ඉතින් ජානකී පෙරේරා ට අවුරුදු ගානකින් කතා නොකරා කියල "ගොඩයා හෙන ගුණමකුයි" කියන්න බෑ .

    හැබැයි කියන්න ඔනී එක දෙයක් "මිත්‍රයාගේ බේබි සිටින් පාර" නිසා ඔහේ ට කවදා හරි පසු තැවිලි වෙන වැඩ , දේවල් නම් කරන්න එපා හරිද ගෝයියෝ !

    ReplyDelete
    Replies
    1. ඊයේ ගැන පසුතැවීමෙන් පලක් නෑ කලණ..යමෙක් වෙනුවෙන් සද්භාවයෙන් යමක් කරලා බෙල්ල ගහල ගියත් මගේ පසුතැවීමක් නෑ. එහෙම බෙල්ල ගහල ගිහිපු වාර අනන්තයි. ඒ කතාන්දර මේකේ ලියවෙන්නේ නෑ කවදාවත්. මොකද කියනවනම් ඒ ඒ පුද්ගලයින්ගේ පුද්ගලිකත්වයට හොඳ නැති නිසාත් සහ ඔවුන් මා ගැන තැබූ විශ්වාසය පලුදු නොකළයුතු නිසාත්..

      Delete
    2. මම ගරු කරනවා මේ වචන වලට !

      Delete
  14. කාලෙකින් මේ පැත්තේ ආවේ.. ඉතිරි කොටසත් ලියපන්... උදේ නැගිටලා ගිහින් හවස කලින් ගෙදර එන්න මමත් කැමතියි. උදේ ගෙදර ඉන්නකොට ගෙදර ඉන්නවා කියල දැනෙන්නේ නෑ.. හවස කලින් ආවම නිවාඩු හම්බ වුනා වගේ තමා.

    ReplyDelete
    Replies
    1. උදේ යන එක පාන්දර තුනට ගියත් ගානක් නෑ බන් කලින් ගෙදර එන්න තියෙනවනම්.. ඉතිරි කොටස ඉක්මනින් ලියන්නම්කො..

      Delete
  15. Ammo.... Balan idala athiwela thibune.... Thanks....

    ReplyDelete
  16. ගොඩයා අයියෙ... හිනා මැල්ෆන්ක්ශන් එක නම් ලොකු ලෙඩක් මාත් දැක්ක....

    ReplyDelete
  17. ගොඩයත් නෑ පෙරේරාත් නෑ...

    ReplyDelete
  18. අම්බලන්ගොඩයෝ බොලා IT බාසුන්නහේ කෙනෙක්ද ? වානර සම්පත් කළමනාකාරවරයෙක්ද ?

    උත්තර පත්තරේ ගැන කියපුවම මට මතක් උනේ උසස් පෙළ සංයුක්ත ගණිතය ප්‍රශ්න පත්තරේ පළමුවෙනි පිටුවෙ මුහුදු වෙළරක පින්තූරයක් ඇඳල එයිට යටින් ත්‍රිකෝණ අංගසාම්‍ය වන රීති ටික : පා.පා.පා., පා.කෝ.පා., කෝ.කෝ.පා සහ කර්ණ පාද අවස්ථා කෙටි සටහන් සහිතව පැහැදිලි කරල ආපහු දෙනකොට ඇක්සැමිනර් ගොයියා මට දුන්න පජාත ලුක් එක :-D

    ReplyDelete